八點幾已經醒左，本黎發緊夢架，但發發下就自己識醒喇，較左鬧鐘九點響，不過都唔駛就識醒！Haha~醒左都唔記得發左咩夢…之後梳洗一大輪就出門了，今次我醒呀…約十點，我九點九先出門，去到千色都只係得阿Bee 一個，但個時已經10:10度…之後同阿Bee 睇下電話咁等佢地黎…之後我、Bee、阿良三個就自己去左Neway先，等埋Winnie 就開房唱K 喇！第一次咁早去唱K，聲都未開！不過算喇，我又唔係唱得好好個D…唔Mind！一開始係咁發晒狂點新歌，對上一次唱K 都無唱過新歌，而家當然即刻點喇！真係好正，首首新歌…有新MV 睇！之後無耐細Ball 黎左…再過多陣阿Sir 都黎埋，六條友齊齊唱K！個時我都差唔多點晒D 新歌喇，好彩早點左姐！

之後又係見到好多Joey~ 估唔到阿Sir 都會唱佢D 歌，攪到大排Joey 出晒黎…係唱途中發覺自己五音不全，想唱假音又唱得鬼死咁難聽…一唱得大聲就唔夠氣+走音，唱得細聲又聽唔到自己把歌，好似無唱咁！之後仲發覺細Ball 把聲唱起黎好似Niki…阿Bee點左首 要風得風 比佢，但係佢唔唱，揀左 可惜他有女朋友 黎唱，聽落真係幾似！^^去到最尾都可以比我整返首 跳水 …不過我就唱得好難聽！>_< 三點鐘鬆人，足足唱多左個半鐘！

唱完K 就行左匯豐等阿Sir 過數…之後就行去補習了！今堂明就明o既，但係有好多關於鍵合個D 就唔識，阿Sir 話之後教，攪到聽個時聽到一舊雲！補完就同Bee、Winnie、阿良行左去三聯睇Bio Solution，搵唔到中文版，最後個個都無買到！跟住就行返學校到洗手間一遊…跟著就走囉！

自己一個行左去CD 舖睇下Aaron 隻碟出左未，一去到第二眼就見到喇，第一眼見到Edion 個隻，因為大家顏色都係咁鮮…諗都無諗就買下了！其實隻碟應該尋日已經出左架喇，但係無去睇到！今日買都唔算遲呀…^^ 之後就K73 回家，因家都已經開始落雨，西鐵再輕鐵怕要淋雨！

返到屋企就當然係第一時間拆CD，之後開歌聽喇，雖然咁多首都聽過，不過我支持偶像！今次包裝幾好…D 相影得幾靚，正！之後播左D MV 睇… 睇到 飛 個MV，Aaron 成個Body 出晒黎，真係完美，Fit 到漏！再睇埋 I am Aaron Kwok 個MV，睇D 舞真係好正…個MV 利用的元素又好，黑、白、紅…睇到真係無野好講！

近排成日都上網睇人地日記，睇過Edison 果個Blog，覺得佢貼埋相幾好！新一年寫日記時都盡量貼多D 相…仲有好想去日本 BWS 買野…>_<