今日十點幾自己起左身，不過係張唔開雙眼，勁累！起左身又係玩陣電腦…^^ 之後食左個麵包，都無陪老豆食飯…那一刻又有內疚感覺…我將來一定要比最好我的父母，一定要盡力令到佢地生活更好！不過都要等我出黎投身社會後一段時間，等我滿足完自己的牌子意慾先…有點見到老豆D 衫褲真係會內疚！>_<

之後十二點幾收到阿良ICQ 話三點要補習，於是就開始整野喇，耐無出街，攪起黎真係特別耐！十二點九度開始整野，整到兩點度先OK…真係有點兒那個！之後兩點出門去左銀行幫老豆入票，然後我就去整眼鏡，整完行過馬會就買左張六合彩…發夢中^^"買完就去搭車落元朗，又係準時去到千色，又係一個人都無！等左一陣唔對路，都等左差唔多十分鐘…之後落左Games，打左電話比阿良問幾時先到…又係遲到，佢話自己上阿Sir 度，咁我見佢都未咁快到，咪係Games 多陣囉，咁早上阿Sir 度咪又係等！

成三點半我先上去，去到得阿Sir 同埋細Ball…真係好彩無咁快上去！等到人齊就開波了，今堂都係溫下書，唔計錢！都好呀…教教下書阿Sir 就話幾時唱K… 我地成班就當然話"就而家喇！" 講講下就話聽日朝早，佢請唱K…我地當然話去喇，就算有約人都推喇…唔駛錢去唱K喎！正…

補完習就係阿Sir 度食左蛋撻同埋飲野…個阿Sir 係幾好，教得都唔錯…算係咁喇！收得又平…^^走個時都係五時半度，我成七點先補習，>_< 之後我地幾個就去左 X 打機…不過細Ball 就走先！落到 X 好多都要跟機…自己又唔係多機識玩，走左去同阿良鬥車！感覺唔錯，好快上手…如果比我玩多幾次我諗好易上手，但係而家就始終唔識用棍波！>_< 好想學，但係又唔想成日交學費！

玩到六點幾就去左M 記 Hea 陣…都係吹下水咁！等到七點就行去補習，今堂係我係個度最後一堂，因為個度教得真係好慢，唔掂…教D 野又重複，又貴，為左慳錢所以唔再補個度了…補完就去阿琛行去搭西鐵，係西鐵撞到阿鋒同埋阿Ming…都知佢地又係個段時間放，因為對上幾次都見過佢地！返到天水圍，行去阿四屋企…仲以為會有人開門，點知無！去到樓下仲要登記…煩！

上到去，個個都係等緊我地，我地一上到去就開始打邊爐了！有成九個人…我、DT、亞扁、亞四、亞呆、澤兄、阿琛、梁偉健同埋王頌恩…之後去到亞四第一時間同我講話梁偉健轉左名叫張偉健，初時都唔係好信，不過最後都知係真！到左打邊爐都唔係好肚餓…不過都係食野，仲食得好快！食到咁上下，大家都停晒手了！

之後我就同亞呆去亞四房參觀，點知出返黎，D 野汁好野，但係就剩返D 碗碟未洗…要我地兩個洗！-_-" 最後我都有洗，洗晒咁多野，仲洗得好慢添！>_< 食個時都唔覺用左咁多野…哈！攪掂晒就交換禮物…用左好簡單的方式，我抽左亞四個份電話繩乙條！哈哈…交換完就玩Sleeping Killer… 唔知點解而家覺得隻Game 麻麻！對上一次都玩得好開心…可能因為已經唔係第一次！^^都係玩左幾局就走了！因為都成十一點幾，唔想打擾亞四屋企人！之後就同澤兄行返屋企…傾下計！返到屋企打返咁多日日記，真係累！聽日有得去唱免費K … 好Yeah…唔知會唔會唔知醒呢？^^