Merry X'mas~~

聖誕節到喇，Merry Christmas！十一點幾起身，起身後見成屋都無人，真係靜得很…很Lonely！整左通粉食，之後就玩電腦，打返D 日記，同埋係個日記度Set 返個人氣指數，由開個日記到而家有九百幾人睇過，個人氣指數幾準下，每日幾多人黎都係計到，咁樣就可以知道有幾多個人黎過喇，雖然日日都唔多，但都好…

聖誕節係明賢生日，打返句生日快樂！^^ 今日本黎可以去個窿度打邊爐，不過近排都玩得好夜，唔想再消費了！夜晚就Family Dinner，好多年都未試過聖誕係陪家人渡過，食左餐飯！今年聖誕真係無咩感受到氣氛…係屋企見無聊就睇黑社會，套野麻麻地，好難明…不過都算不錯看！

睇完亞視就播Aaron 的雷霆戰警，Good~ 不過就無睇，因為有碟可以遲下想睇先睇，於是就睇下收音機，聽下新城係度派百幾份禮物！有D 無實力都有獎拎，唉！ 而家我諗係得TVB 果個最好睇，雷霆歌曲果個D 公信力唔夠，903 果個公信力夠就夠，但係就好似自己頒比自己人咁，林一峰、林海峰都有機會做最受歡迎男歌手。>_< 唔係話佢地D 歌唔得，但距離最受歡迎就差好遠囉！