今日真係期待左好耐…是學校的聖誕聯歡會！一早已經起身梳洗，返到學校上左課室睇睇，見到Miss Leung、阿昌同Maggie 佈置中，而阿良就係咁練係咁練，見佢非常緊張…同埋唱歌仲係未得…之後明賢上埋黎，一齊聽左佢唱歌…彈琴真係OK，唱就麻麻…不過佢加左MP3 就好好多，但仲係有好多鼻音！之後就落左去排隊了…

想睇下有冇潮人…見到個真係幾勁，Baby Milo x Kaws Animals Zip Up、Supreme Gucci Box Tee、Neighborhood Savage Narrow Blue、Bape Sta Green x Yellow…襯得幾靚！但係另一個就真係襯到一Pat 屎咁，上身類似Polo Shirt、Bape x Kaws Zip Up(勁細件，無錢買咪充大頭喇！)、Evisu 大白M 、Nike 不知名普通鞋… 襯得勁樣衰，成個傻仔咁著到…Zip Up 唔夠錢買就咪買喇，買到咁細件著到勁緊，成個傻仔咁…仲要係度串話好彩今日無著Supreme… 真係白痴！仲要大大聲咁講…方死無人知咁！根直係度掩飾自己買左件細碼Zip Up…

之後排完隊就入Chapel，本黎諗住有野睇點知果個人無返…可惜！入到去開頭都好地地，有歌仔聽，仲跟住跳舞添…之後就愈黎愈悶，又睇片…勁勁勁勁無奈，超超超想走呀！真係悶到發炆憎…之後就幫手拎野上課室！拎到上去汁下野咁就開始聯歡會了！不過有D 遲到唔比上黎，但係最後都可以上到黎一齊食野…食左三四碟就已經停手了，因為再食我怕會食晒D 野！^^ 之後抽獎，抽到個鎖匙扣…本黎阿昌又話有遊戲玩，點知都無o既！不過最緊張最期待的時刻到了，阿良要係班度表演…成班都靜晒黎聽佢彈琴，有D 就錄片、有D就好細心欣賞…今次阿良的表現真係好好，無咩點彈錯，真係Good~ 之後佢就講佢想講o既野…佢總算完成了！佢真係好大膽，我好服佢…成班咁多人比左咁多支持佢，佢總算無白費！

完左之後就汁返好D 野就走了，落左去睇歌唱比賽，今年的比賽比上年差好多呀…無咩唱得之人，Winnie 都唔想參加D 咁低水平的比賽，但係我地成班人就係為左睇Penny 唱歌而睇成個比賽！途中聽到個唱得幾好…唱 還未 ！幾好聽…明賢話佢入三甲喎…之後睇完就一行人去南安篤波喇！好耐好耐無篤過了…真係篤得好差！入o既波十成九係撞彩…篤左兩個幾鐘就走了。去左打機，我就行左去金威搵明賢先再去返Games 打機…搵左都算多Game 架喇！一個唔多識打機o既人都可以係機舖用差唔多廿蚊，算係咁喇！打到咁上下，就走了…行左去搭西鐵，因為真係唔想等個架死人264M，等佢真係得到死佢都未黎…

回家後都已經七點幾八點了…一返到屋企真係累到出唔到聲，好舒服呢！食完飯電腦都係玩左一陣就已經去訓了…因為實在太累，玩足成日…雖然唔係洗左好多錢，但係計埋之後個幾日的洗費，真係聖誕都過唔到！