今日好晏先起身，補習時仲趕頭趕命咁… 出門口又拿拿聲，落到樓又剛剛走左班車，心諗都係遲到架喇…點知去到新北江，門都未開，真係頂！仲等我咁趕添，個個都遲到！之後去左個廁所返黎終於開門了，但係都未有人到！呆等…等左十分鐘終於人齊了！

而家聽返又唔記得D 野咁…唉！補完冇野做就返屋企了…返到屋企食媽媽整o既自製肉甾意粉，之前我已經食左個公仔麵了…但都食左好多意粉，因為真係幾好食…之後玩下電腦咁就入麻麻度了…入到去見到隻新的狗仔！好得意，見到佢好驚咁就知黎左幾日咋！不過真係好懷念之前的日子。雖然佢唔及Tiger 得意，但都幾可愛！養大又唔知會點呢？ 得佢一隻好可憐，好孤獨！遲下應該可能會拎左隻黎掛！

上一次養狗已經差唔多係一年前了，仲記得那時日放都掛住隻狗仔，又整屋比佢地訓，驚佢地冷親成日餵野食比佢地，驚佢地餓親…唉！而家對住新狗仔，都唔會放太多感情落去了，都冇咩刻意同佢玩，令佢親近我…因為我知道當太投入一段感情裡，一失去只會令自己傷心，那實在太無謂了！何必呢？ 我唔會再擺放太多感情落去…無論任何東西！