今日係學校陸運會，一起身已經係七點三，老媽子叫我起身時我仲話佢呃我添！之後係極趕時間咁整野！頭都冇咩點整就走了…但係去到輕鐵站，一入站Show 左07:38出黎… 知道死梗了！一定遲到…之後去到西鐵站撞到明賢…之後行到天橋已經知遲到了，冇跑。因為我地諗住爬入去，之後又撞到B樂。去到B樂話唔爬，頂… 等左陣，B 樂就由正門入。我地就絛理由咁早架，之後去左永年食腸粉，食到08:30先慢慢行返去… 遲到左40分鐘！之後去到都冇野做…諗住趕Bio Report，點知有兩張留左係學校，要星期四先交得！頂… 咁辛苦做黎做咩，咁都唔記得帶，真是我的錯！

之後落左去標槍，今年D 人勁屎，比上年差幾皮。點知自己兩次都係Foul，兩次都係出界！真係Fuck… 好激氣！但係冇法…輸左了！之後就好無聊咁周圍行了…又去玩鐵餅，又去試跳高，又去推鉛球。推鉛球玩左好多次添，頭幾次係度同明賢鬥遠，點知都係咁上下，有一次仲要係得50cm 度…真係放出去都到個種位置！-_-不過之後玩就真係好易了，同佳佳鬥，贏返… 佢仲要係有得入決賽，我都贏到佢，原來推鉛球係咁易…真係唔知！頂…真係幾好玩，真係後悔無報到鉛球！

Lunch 完就跑班際，真係幾好睇！好似好多都贏…不過我又無咩點睇咁，因為個心好想去標槍，同Jerry 玩…點知個阿Sir 係都唔俾！一次都唔得，太衰了！唉，浪費左我好多時間係個度…睇完的時間，班際都跑到七七八八！>_< 之後都冇野再進行了…班際好多都入決賽！走個時，同明賢、黃進、霍霍、花貓、阿仁去去機舖打機，開頭我都冇咩點玩，之後都玩左好多野！但係玩咩都輸，最激氣係黃進比波我踢，但係我兩次都比電腦入… 而明賢一玩就可以入波！-_- 我投晒降…玩完就去搭巴士走了… 269D呀，唉！又要行，架264M 永遠都係十幾廿分鐘先黎…之後送埋明賢去到樓下添！-_-"沒法喇…跟住就返屋企了！返到屋企有少少累同埋唔願郁，我只係玩左少少野都咁，耐無運動真係好易累，身子唔多好！@_@

份Bio 仲未完成呀…睇見D相我就頭痕了，我對住D 相同埋份報告真係好無奈！十萬個唔願意做呢…之後好彩有阿Bee 咋…唔係都唔知點做好…不過都係無做份野！聽日先算喇… 有得拖就拖下先！