尋日的UE Section D 做唔晒，今日要做返。當時那一刻無咩好驚，因為自己完全無貸賣…=無野好驚！因為好快就已經過左十幾個了…有幾個人仲Give Up…那時我係咁問Winnie 英文，真係好手足無措咁！之後同阿婷換Number 講，由於自己又唔係有料，先講同後講都係咁o既款，同唔同人換都係咁…到左第廿九個，好彩有Winnie 幫我整左一句，我就張個句野慢慢拉長黎講，可能得個一句，有點驚…講時錯鬼晒！不過個意思應該幾易明o既，我用D 字同小學生一樣…-_-最後都過骨，唔駛零分！
之後Bio 堂係度用Chem Lab Report，個時先知Jerry 生日…^^ 講左聲生日快樂！由於今次又係即堂交Chem Report，而我尋晚又無心機用野，所以那時仲係空白一片，不過都有抄返D野…去到吉堂第一堂完全係呆等，冇人做左，係度聽MP3。到左第二堂落左去抄Report，完全唔駛經過大腦黎照搬，真係好彩有阿婷，唔係我死梗…到Lunch 我都未抄完，只好Lunch 早D 返黎抄，但係到Chem 堂都未完全個結果表…算喇！到時先算…
到左Lab，今次係抽籤分組，本黎我都唔知同邊個一組，但係同Penny 換左，結果同明賢一組！我可以講完全唔知個Lab 係做咩，只係知D 用法，複雜D 都唔識…我地只好慢慢黎做，因為我地都唔趕，有晒結果數值，所以慢慢做，做到第三步又Skip 減幾步，有D 無結果又唔做，係度博大霧！做到咁上下，就唔理洗晒D 野去做Report 了…都係得個抄字，自己都唔知做緊咩，仲抄錯左，要塗結果！>_<
做晒結果表，又要做結論，個結論都唔知點寫，聽其他人講又要張個結果用文字抄一次…-_- 我初時都唔多信，但最後都照跟！抄到死，趕到命都無…都叫準時完全掛！之後成班人係Lab 度影相，因為係最後一次Lab。開心死我，唔駛再做Lab同埋Report！^^走時又拎左牛丸把梳玩，玩左成十分鐘都有！@_@ Then，去左打羽毛球，我都唔識點打，係咁輸…哈哈！玩完後隻腳又起水泡…
之後走時明賢又話佢要返屋企，佢妹妹生日，竟然同Jerry 同一日，唔怪之得佢記得Jerry 生日喇！我只好一個人去自修室喇，剛剛好去到有位…溫左一個鐘度就去補習喇！補習又要交學費，發覺自己只係補一科幾唔著數，不過又無Bio，所以只有補一科…今日教個D 真係幾難明！走時行到大排檔個度見到個三十以上的阿叔玩裏原宿，真係眼都凸埋…潮成咁！之後K73返屋企，去到景湖個邊又見到一個，不過今次係個後生仔…天水圍、元朗都有唔少潮人！返到屋企都好晏了，自己一個打邊爐…
|
