訓到十點幾比電話嘈醒…>_< 不過冇聽到！之後睇返係無來電，頂…無耐又收到電話，又係無來電，第一時間會覺得係D 廣告！聽左先知係阿良，-_- 咁頭先果個電話都應該係佢黎。佢打黎問我去唔去溫書喎，我冇咩所謂答應左佢！之後就用電腦做Bio Report，今次唔係Lab，而係Field Trip Report…不斷係度用ICQ 黎做，又問Bee，又叫Winnie同埋明賢打感想…之後不斷修改。

原本一粒字用成24咁大去Print~而家只係用18… 雖然都係好大，但無法喇。足足做到夜晚先完成…只係欠缺陳怡的感想！-_-連個封面都攪掂埋了，可惜的係未Print！Send 左比佢地睇下得唔得，我日對夜對當然覺得份野無問題，問左佢地意見話OK喎…咁就算了！份野做左我五六個鐘黎做…真係頂！睇返覺得好似好少野咁咋…hehe~>_<

夜晚睇東華，都冇咩特野好睇，最好睇都係飄移…真係好勁！唔知我學唔學到呢？^^"夜晚E mail 同ICQ 傾到點幾兩點先訓！總括黎講，今日無咩做過野，只係做左份Bio就算了…書都冇溫呀！God~