一早頭三堂本黎話教書都唔教了，等我仲帶中化書，點知三堂都比我地自修…無聊到爆！睇下Chem 又睇下棋，去到第三堂先有D 野做下，係度佈置課室，不過係亂黎個種！好求其放上D 燈度就算了…之後小息落左去睇攤位，之後就排隊入教堂聽野！

入到去都唔覺得D 咩，點知愈聽得耐就愈唔想聽，真係好悶，去到兩個鐘度，已經忍受唔到！估唔到自己班都係咁悶…不過填問卷都係全部寫返自己班！哈…食完飯返黎就落左地下打羽毛球，打左好多局…有贏有輸！不過之後阿仁同埋霍霍黎左跟隊之後就冇人贏到了…佢地係長勝呀，係佢地手上拎分真係要佢地讓先得呀…差唔多最後一場好似拎到十分，已經好好了！不過佢地讓左唔少…都好呀！^^

打完羽毛球就出左去踢波，鬥控波…不過都係玩得一陣咋！唉~ 5:00度就上返班房，有人係度做短講…而我就玩下琴算吧！之後就同阿Bee 捉棋…開頭係咁輸… 之後都可以打平！都係阿Bee 行錯先有機會平手…捉完棋就係度佈置班房，張之前的重新整過…仲係班房的中間排個 S 字…真係掂！

走個時又提起不公平的事情…講起都心憤！唉~ 講又唔係，唔講又唔係…返到屋企就ICQ，I 左好耐…今晚個餐媽咪唔返，我同老豆係度食叮叮飯，真係好味…食左兩盒！食完又繼續玩…之後就沖涼打日記了！聽日就係聯歡會，有點緊張！