九點幾比個電話響鐘嘈醒，之後就好趕時間咁整野，十點半先出門口…心諗一定遲到，之後極速去新北江，10:35就已經到了…但係連門都未開，真係趕黎都浪費時間。次次我準時都無用，一樣係要等…-_- 點解個個都要遲到？ 香港人真係會咁架咩？ 真係難明！之後係門口等，等到搭九阿Bee 黎到，佢都話點解仲未開門…唉！個時都未知咩事，打左電話搵阿良先知，十一點先補！Fxxk…無人提過！仲要係Last Night 先決定！仲等我咁早起身，咁趕時間去！趕頭趕命… Shit~ 之後就陪阿Bee 去食早餐，食到11:15先去…費事到時去到又未開門，所以先咁遲去！

去到得個阿Sir 到左，連阿良都未到…唉！香港人真係出名遲到，無時間觀念！補習時好多野都已經唔記得晒…個腦一多野就唔記得晒！遲下仲要有物理化學，同埋Bio，可能仲有中化…都唔知點死！個腦都記唔到晒咁…God~ 放左就返屋企了，又係食公仔麵，正！這幾天日日都食，真係好味！

四點幾五點就換衫去做節，去到又多隻狗仔，幾得意的！等食飯時就去左姑媽間房彈琴，竟然記得點彈…真係好想可以成首彈晒！今餐極豐富，咩都有，又雞又魚又翅又菜又蝦真係咩都有…食到飽晒！之後就出左去玩沙包…耐無玩，真係差D！臨走時又睇下D 狗仔，同上年的情況差唔多！唉…返到屋企無野做…仲有幾日就放假了，心好想快D 到，但距離高考又近左喇！