今日都唔係早尋日好多起身，只係早左十分鐘度…不過今日整野的時間耐左，出門口都嘭嘭聲！去到輕鐵站只係早尋日四分鐘，-_-咁就一定要迫上車喇！係咁迫，頗辛苦。之後係車度又撞到明賢…個時仲以為會遲到，不過因為用急速的腳步，最後都無遲到！好彩…去到仲有幾分鐘多，真係好喇！唔駛遲到…排隊點完名就上去坐了！坐左一陣都冇就要落去比賽，首先係200M。

落到去，我係同阿Bee、明賢、Jerry一組！開頭我都冇諗過會贏，所以就咁跑算了…但係個個都有釘鞋，好似似模似樣咁，心內有點怕…加上自己好多年未試過跑步，同埋唔岩著釘鞋，最後係包尾的！輸好多呀…我其實真係跑得好慢！沒法，自己的擔子太重了，負荷唔到…只可以講一句，我太肥了！完左200M 仲比花貓話跑得咁慢…T_T 我無言以對！之後就去左鐵餅場地報到…

去到見到都唔係好多人，好彩我係好後擲個D 黎姐…因為我連玩都唔識玩，咁就可以睇下人地點擲喇！開頭見到都好似好容易，但係我自己尋日試過一次就好難擲得準！到我擲個時，第一次剛剛過標準線，有牌仔…第二次就再遠少少！之後個阿Sir 就話已經完晒，可以走！但係D 學生就話要有決賽，點知真係有決賽…而我就係第八個入圍的選手，我都呆左！我咁都入到，真係如果無計錯的話，我諗都係贏第九果個少少…真係好少個種！

到左決賽，我幾驚，因為自己係第八，點擲都唔會好好…但係唔知點解可以有銅牌拎，真係估唔到！奇蹟黎…我都唔係好相信自己會有牌拎…之後就落左地下睇比賽，班際我地班已經好強，最出色的首選一定係阿釗呀，佢真係超勁…400M 極速過晒所有人，係咁追，返到黎已經拋離對手幾十米，真係睇到呆左！最後當然係拎第一喇…阿釗真係勁。睇晒班際就睇師生3000米，本黎都係睇架咋。但係阿良話陪Miss Leung 跑埋，仲要加多句「唔係驚呀？」之後即刻同佢出去陪Miss 跑… 跑左兩個圈，其他7S 的同學仔都出埋黎，好多個咁陪Miss 跑…成個埸面好壯觀…跑完之後都已經閉幕了！但係就係咁頒D 班際獎項，而我地班只係得全場總亞軍，輸比7B 成百幾分，都唔知係唔係做馬…邊有可能差咁遠？>_<

放左就影左幾張相就走去唱K，極之多人…但係去到的時間，阿Bee Winnie 唔唱，唉！>_<我地有成十四個人去唱，但係只係得一間細房，個細房我諗係For 六七個度的…而我地就十幾個都係咁細的房，真係頂…要坐到好迫的得！唱K的人有：阿仁、黃進、花貓、Maggie、阿婷、韻韻、阿良、阿昌、凌進、阿妖、Jerry、阿鋒明賢同埋我…真係多得很！Jerry 唱完魚蛋歌之後被發現把聲係極似苦榮…真係似到痺！之後就到佢係咁唱黎表演了，太好笑了佢唱得！阿昌都唔輸蝕，一貫舞王本色表演…落足力黎跳！而今次唱K 我o既目的係唱新歌或睇新MV，但係大部份人都唱舊歌，無法！中段更成為一個容祖兒演唱會… -_-" =大部份新歌都無唱到…>_<唉！好彩尾段Jerry 唱下攪笑，唔駛咁悶…佢唱歌就係好得意！

之後七點半就走了，走的時間發現都有幾多人無咩點唱過…目的真係黎為左睇阿昌？-_- 呵…之後諗搭車返屋企先頭痛，個時係極極極肚餓，好想即刻就已經係屋企！不過無可能，唉！搭269D 又要行、搭264M 又要等好耐、搭西鐵又要轉車、搭K73又無人陪又遠、搭輕鐵又耐、搭的士又貴、搭小巴又無位……我真係唔知點算呀！好辛苦…好難選擇！點解會咁，我屋企點解會係天水圍？>_< 個時真係好想就地休息，好想返屋企，但又唔知搭咩好…好煩！最後比阿婷叫搭巴士，269D…又係要送明賢返屋企…-_- 返到屋企即刻食野，Lunch 食得個少少野，真係唔掂…食左兩碗 -_- 唔怪之得愈黎愈肥！

之後沖涼，整Bio Report…其實唔多想做，但係又要即刻趕起佢拎比媽媽返公司Print，所以無得唔做…真係Shit！做完就去打日記，係咁打係咁打，打到手都軟埋！都唔知為乜，今日阿婷都問我點解可以日日都打咁多字的日記？ 我都唔知點解，可能有種堅持的心態係度喇，日日都要打D 野！ 而打得多與少都係隨心…多可以令到D 人唔想點睇，少又可以令到D 人睇完都唔知講咩… 呵呵！