七點幾八點已經要起身，都唔知係唔係放假，不過算喇，為左補習。八點三已經出左門，個時都知道自己早左，所有慢慢行，慢慢等車，再轉761出元朗！去到千色，係08:58，早左兩分鐘！之後就咁企左係千色等，等到09:15 都未有人到，企到我都累，又無得坐喎！之後09:20 終於有人到喇，係Winnie，估唔到係佢，因為佢之前都冇補…不過點都好喇，有人陪都好！之後佢買完早餐返黎都未有人到…>_< 去到09:35度阿Sir 先到，仲要話唔係約左10:00 咩…個時細Ball 都仲未到！-_-

之後上左去等，終於有得坐，真係慘無端端被罰企三十分鐘…補左半個鐘細Ball 先黎到！之後都係做下Past Paper咁，我地D Organic 做得唔夠熟，咁事實又真係好唔熟，又唔敏感，真係好唔掂！仲有Physics 未教…真係死死死。補到十一點半阿Sir收到Msg 就唔補了，佢話無心機教落去！之後我就走了…行左去教育路幫老豆買汽車零件，去左富誠車行買…正一黑店，呃人錢，之後都唔去幫親，就算係富城都係咁話！

買完就搭車返屋企了，返到屋企食米粉，本黎想食公仔麵，但係成日食怕會厭…食完就玩下電腦咁磨時間，去到兩點幾就換衫出去了，因為約左黃進篤波，但係出元朗前就同老豆去左銀行張銀行D 錢做定期！之後就搭輕鐵落去了，但係個時已經遲到架喇，但係好彩係天慈撞到黃進，之後就一齊出去…又係761，唔轉西鐵，唔駛咁煩！出到去已經三點三了，連阿仁本身話會遲到都早過我地，哈哈！之後我地三個就開波了，頭兩場都贏左…哈！真係好好彩…之後阿鋒就同阿昌就係另一張度篤，都唔知點解阿鋒會輸咁多架！之後我地個邊第三場我就輸左了，仲要係輸好多度…>_<我地個邊拍埋鐘就去左幫阿鋒追返D 分，點知整想追就係咁失…最後輸埋…

篤完波，我地見到阿Bee 同埋阿妖，個時又話個時間約後左，多左好多時間出黎，之後就去左Games，初頭冇咩玩，但係之後就學左網球同埋籃球…真係幾好玩！玩到咁上下，我地咁多個就去左開心廣場拎野了…之後就LRT 去洪水橋，去左惠康買野飲，之後就行去Winnie 屋企了，原來都幾遠下，個時又凍喎！>_< 入到屋即刻暖返，不過脫完鞋隻腳毫凍冰冰喇…參觀完就坐左係梳發睇雜誌，之後都無咩幫手整野食，hehe…本黎諗住邊玩邊等阿仁，但係一玩阿仁就到了，所以我地都係食野先…D 野食幾好，不過就已經凍晒…由於生"飛滋"的關係，都唔係食左好多野，同埋D 雞槌都係食左一舊…最多都係飲野！

食完晒野幫手汁埋野就即刻打馬吊，一邊打馬吊一邊鋤大D，簡單係一個賭檔！玩到十一二點度就無玩了，成班上晒去玩…玩之後當然每個人都定左罰咩喇…第一個Game 係"辣辣壽司"…我就同明賢、阿Bee、Winnie、阿仁同埋阿光一組，最後我地贏左！贏得都幾險…輸左個邊就要做阿鋒的懲罰，就係要咀屎忽十次…哈哈！由阿鋒咀阿暉個屎忽，真係好嘔心…不過阿鋒真係咀足十次，無花無假！

之後就玩呯嘭嘩，初頭都唔識玩，不過之後都識，係D 反應慢左！最後輸埋添…由於今次係輸六個人要喝晒支蒸餾水！-_- 個懲罰都傻架，有冇可能做到？ 六個人點飲成十九公升的水，雖然唔夠十九，都起碼有九分升喇…之後輸左當然就要喝喇，喝左八至九杯已經停手了…結果我地六個人係喝唔晒，但係都喝左成一折！之後上返去唔係玩遊戲，而係食Cake，喝左兩首生日歌比明賢…個Cake 係慈恩整的，都唔係好夠分，不過真係幾好味，係D 士多啤梨太酸！食完野就繼續玩遊戲，玩"唔係麻，咁鬼易"試玩左一次就已經覺得隻Games 唔夠激，唔多好玩…不過都繼續玩！開頭都玩得得正常，去到後面，D 答案就已經愈黎愈離譜，咩都可以答為興趣，被迫，做善事…-_- 最後係笑死！個時真係覺得好好笑…

之後又係阿鋒個邊輸，今次係罰阿妖寫的懲罰…要當眾脫光上身一分鐘，阿妖要做返自己的懲罰！哈哈~玩完之後霍霍同阿仁就要走先，之後都冇野玩了，係天台吹水，我就係度坐，坐坐下就眼訓了…之後落返下面訓左陣！訓到六點就要走了…之後行左去搭輕鐵，好累呀，好彩訓左陣姐…返到屋企就沖涼洗頭，攪掂後又玩電腦，沖完涼又好鬼精神，真係比佢吹漲！結果去到天光先訓，成七點幾先訓…