今日又覺得好凍喇，D 手手腳腳唔想郁…三堂Bio 齋聽書，隻手都唔想郁！由於無野做的關係，就係度聽下書！睇D題目的時候都諗唔到答案，已經即刻睇答案，睇完先知咁容易，而家唔係幾想動腦筋！小息為左可以暖下就去左踢波…之後中化堂睇TVB 之前的片，本黎Miss 要去唔知咩法庭，但係唔駛去，就返左黎，又無野教，就比我地睇片…不過我就無睇，係度同阿Bee 明賢研究MP3、PDA…

到左Chem堂又係無聽書，都唔知而家教緊咩，都係到時補習先學喇…諗住溫下有機化學，點知睇到白板話英文要交野。當時即刻叫霍霍拎黎抄…有成四份咁多，仲有差唔多份份都有幾年的Past Paper，真係抄都抄到死…足足用左一堂多點黎抄。抄完仲有十五分鐘剩…諗住睇書，點知Miss 話已經教完一課了！我到現在書都要買，咁就教完一課了…完全無聽過佢講書，只係用左幾堂就教完！現在的方法只有補習時學喇… Inorganic 阿Sir 話唔駛識咁多o既，因為大部份D 人都係唔多識！

上完Chem 堂真係開心，可以返屋企…好耐未試過咁早返屋企了！返到屋企本黎諗住食公仔麵架，點知屋企有燒賣同埋麵包…所以都懶得好煮麵了！食完野就睇下電視玩下電腦…之後開住歌係床度就訓左了，訓到成六點幾…真係幾累呢，不過訓完好舒服！冬天訓得真係好正…訓幾十個鐘都得！訓醒就食飯喇，食完又睇下電視玩下電腦，去到臨訓時先睇下Bio，不過一睇就勁眼訓了…哈！