本黎今日約左阿良九點去元朗溫書，點先起身時已經係九點，仲要無電話到…所以繼續訓！去到十點幾佢先打黎話霸左位，見自己係屋企又唔會點做野，所以就應承左去！食完野就出去了，十一點左右到左…得阿良同埋阿昌咋，都好，有人幫我霸埋位！之後睇下Bio Past Paper同埋溫下Bio…好多都唔記得晒，係完完全全忘記個種，Fxxk…連Past Paper 第一二題都唔識，發現自己的Chem 有進步時，Bio 一直係度退步，要追返一定要用好多時間花心機去背。之後落左去食野，食完野溫多一陣就已經唔想溫了，自修室的感覺太不好受，想返學校溫，又無開…唉！平時的學校又太嘈，自修室又靜得可怕，太大壓力，所以提早回家！

返到屋企雖然無野做，但係有種被釋放的感覺…之後睇再說一次我愛妳，嘩！悶到痺，真係睇到發脾氣，邊有可能咁悶架？睇個時有成日飛黎睇…真係唔睇都無問題！之後睇睇下悶到爆的時候，老豆叫我出去睇電視！嘩，真係好睇…世貿仲好睇過再說一次我愛妳，真係好激！之後都唔睇戲了，出左廳睇電視仲好…兩邊台係咁轉黎睇，真係好正…D 農民發晒狂係咁同D 防暴警察打，真係緊張刺激！好記得有個人可以把鐵欄一腳一腳咁踢到D 鐵枝出黎，真係勁…D鐵枝好似餅乾咁脆！

之後成日都係度睇世貿，可惜無線沒有直播…唔係一定繼續睇落去！之後就返房玩電腦…唉！仲係未可以戒到…-_-