今日陸運會補假，唔駛返學！不過我就要去補習了，九點幾已經出門，去到千色一個人都未到，我就落左去廁所同埋打機了！打打下有電話，之後諗住上去，一出機舖見到阿Bee 落黎，原來上面一個人都無，等埋佢去廁所就上返去等阿Sir…等左成十分鐘，個阿Sir 終於黎到！不過阿良同埋其他人都未到，阿Sir 就話落去打番幾舖機先…玩到咁上下，阿良黎左了，佢話細Ball未起身，阿鋒唔黎…咁我地四條友就上去溫書了！

今堂拎左好多新Notes，真係睇都有排睇，唔好話要溫…有種感覺時間愈黎愈少了！補補補補到十二點幾就走了…之前阿Sir 又話會補好耐，唔好約人！點知咁鬼早就落堂了…無奈！

之後陪阿良返學校睇下有冇開到，返到去有開，之後就等埋Winnie 一齊去食野…特登去小金井食，因為阿Bee 同埋Winnie 話個度好抵食，又好味… 咁就去左試下喇！行左都好耐…之後食左個牛肉火鍋定食，阿Bee 極力推介！等左好耐先有得食，不過食落又真係幾好味…正！估唔到咁好味… 真係好似打緊邊爐咁，係D 飯少左D…唔係真係抵食到爛！

食完就陪阿良去搵阿婷返學校…之後返到學校佢地各有自己野做，而我就睇下Chem 咁…唉！睇睇下仲好眼訓訓左添…定力差！>_<醒返好凍…之後行黎行去咁，都冇咩點溫書！四點幾就走了…出左去銅鑼灣買野。儲返黎的錢都已經洗晒囉…而家銀包有o既錢都唔知夠唔夠過這個聖誕…可憐！不過都覺得抵…實在太正了！開心死…買完都冇時間行街睇野，之後就回家了！

返到屋企已經六點幾，即刻煲飯…跟住就上下網！之後媽咪返黎就睇下份Report，Print 得好靚呀！雖然內容麻麻，但係都算係好比機做的一份報告。今日實在太開心了…但黎跟的日子都唔知點算，好難捱！而家開始要減少自己上網同埋接觸電腦的時間…因為有好多野都未做…要玩少D 喇！