今日係中七第一次著PE 衫，因為唔想咁早起身，著PE 衫方便快捷…返到課室，真係好熱…窗又唔開，門又唔開…成個密室咁！頭三堂中化好似無上過咁…只係知道收左幾份工作紙！Bio 堂又係，都唔知上過咩，不過就比Miss 話我穿便服返學…只是班衫而已，件PE 衫勁窄，唔想著……

之後吉堂本黎係補Chem 補課，不過Miss 話要代堂所以取消左…>_< 之後去左三樓一課室坐… 之後就開始玩了，玩棋…輸左又係做掌上壓…我係做得最多果個…差唔多有三百了！咁耐冇玩過，有點吃力，加上天氣又凍，手腳唔聽話…但最後都戀算捱過！

PE 堂走左去上，因為一心諗住踢波，但係點知佢今堂教野，教跑步…上左一陣玩下起跑同埋接力就完了，我只知我跑得好慢…起步又慢，完完全全追唔上…陸運會唔知點死！之後踢波…踢左兩場，第一場係極難打，仲要四個打五個…都唔知點踢！不過阿昌發晒狂係咁入波，令到我地唔駛輸咁多…之後第二場踢個時已經覺得隻腳有點事，不過無理繼續踢…造場比較唔駛點走動，又可以分多點波，我無上場咁獨食同埋亂踢…睇落都好輕鬆，唔駛成日射波…最終輕易獲勝！踢完波仲係度玩射門，同佳佳鬥…哈！簡單…

踢完波先知兩隻腳都起水泡，Shit，換埋衫走人個時超唔舒服，又痛…一換完衫就走人了！行路都感覺到水泡的大小…兩個位置都一樣，耐無踢D 死皮無晒，好易起水泡！返屋企時又累又痛，真係好想坐低，但無奈沒有座…返到屋企成日人散晒，沖完涼食飯，老媽子話我成塊面紅晒，連隻眼都紅埋，個時我知道自己係有野，再冷親一定傷風…食完飯就返房取暖，睇埋阿旺大結局就去訓了！真係好累，好快就訓著了！Zzz…ZzZ…zzZ…