今天自己起床，老媽子仲訓緊，我仲去叫醒佢，個時先記得佢今日去迪士尼…只好自己整野食，遲左起身，但係都夠時間整野食野…出門口同平時差唔多添，返到學校仲有時間坐下…頭三堂Bio 都係睇問題、答案…都幾悶下！之後吉堂就去左Phy Lab Study，溫返之前Bio Sir 教o既野，不過已經有90% 唔記得囉，仲要叫Miss 講返，但係講o既途中都呼喚唔返d 記憶…連個名都記鬼錯，真係死得…好彩佳佳記得，聽完Miss 講之後都叫明…不過一定唔夠之前咁熟囉，而家成個腦都係Chem，一D Bio 都無，真係好辛苦…

臨走時拎左兩把間尺玩，佢地原來個個都唔識用鐵尺做剪刀…之後返到班房仲係度鬥一刀剪得長，點知輸比佳佳…*_*之後UE 堂黃進仲係度研究，我都想破紀錄，點知衰左…之後覺得好無聊冇再玩了！聽書都係唔明，哈…之後臨落堂作左幾句句子，就完左了！

食完Lunch 之後自己行去自修室，去到坐低溫左一陣書就已經有睡意了…於是訓左幾十分鐘，直至對面有人坐低先醒，睇睇係一個潮人…Bape Tee、Neighborhood Zip Up、Evisu Jeans、Adidas 35th London、Supreme Backpack、Sharp 833……我諗應該係IVE 生！之後起番身已經好精神，係咁溫返Chem 的化學平衡…溫溫下有對小情侶係我身邊行過，仲要搞我添…阿釗真係衰！之後溫到四點就鬆人了，諗住返學校睇下個壁報整成點，返到去都冇入課室，外面睇左一眼，仲係空白，真係好期望睇下一日可以有咩成果出現…

之後係走廊企左陣就走了，好早返屋企呀今日，返到去老豆竟然係度睇電視，我就冇理佢開電視打日記，聽下歌仔…個時佢話今晚食飯盒，因為媽媽唔會咁早返，冇人煮所以食飯盒，聽到都覺得Good~之後七點幾個時就叮個飯食，幾正…食完又唔駛洗野，真係舒服！媽咪返黎仲買左禮品比我添……之後睇電視同埋用電腦，最後當然係打埋今日的日記喇！^^