今日八點幾九點就起身了！之後上下網，整下Lei 樣整下個樣就好快十一點了，之後又Jer 下頭，換衫…無耐，黃進打電話黎吹我了，-_- 估唔到佢咁準時，仲有早到添！服左佢… 之後打埋比明賢，好快就十一點廿五分了…去左機舖搵黃進，因為佢一定會係個度！之後明賢打黎話到左，我咪出去搵佢囉，黃進又要打埋個局！點知去到巴士站人影都無…打電話比佢，先知佢係下一個站，唉…個時班E34 已經走左！個時叫明賢行返黎，黃進又剛剛黎，但係下班車毫要11:48先開，一定遲到呢！但係係等車時見返架巴士，考慮左三秒就飛奔過去，但以我的體重及運動力，完全跑唔到，又無氣、又慢…頂！追到班車後上到車，成身已經冇到不得了！好多乳酸…>_<

架車去到元朗都仲痛緊，真係身子差！陸運會報左名都唔知跑唔跑得到…自己根本就唔係跑個類型！去到青馬收費廣場就落車轉R8，等左十分鐘多D 就有車了，但個時已經12:45…Sure 遲到！係途中收到電話話今日D 飛唔知拎唔拎到…當堂呆左！去到迪士尼係廁所做左傻仔野，拎紙巾時拎左Baby 紙巾，不過都係乾淨o既，但係被人笑囉！係門口係度好得閒就等，等電話…期間已經開始影相了！之後收到電話要排隊，但係都唔知係邊度排，仲以為係賓客個邊排，點知係最多人個度排，Fuck！

排隊時，後面的阿伯打左尖，佢仲想打的，點知比人話先識行返我地後面，但係仲有一個更強的阿伯，係度扮晒野，一打就打左十幾廿人尖，真係離晒大譜！不過之後利用篡快的方法就有飛了，即刻影返張相留留念先…正式入去迪士尼喇！Wo~~真係正…感覺好新鮮！拎左地圖就開始行程了，首先行去巴斯光年個邊拎Fast Pass，之後就諗住拎埋 Space Mountain 的Fast Pass，但係唔得的…>_<無奈就要等到16:10先可以拎，跟著我地就周圍影相，不斷影，好多相呀…不過有D 好樣衰。行晒成個樂園一次後，已經有收穫了，每個人都有銅牌，幾得意，不過10蚊真係唔抵，但算喇，紀念囉！

16:00已經去到Space Mountain，因為搭火車實在太快了！係個度三條友係度係咁玩部快證機，係咁入Card，等時間，最後明賢贏左！唉…要20:20先有得玩，所以我地個時已經決定玩埋巴斯光年就玩D 普通遊戲…係玩巴斯光年時要自己一個坐，-_-開頭都玩得幾好，但最後都係打極定都本唔到，得lv.3 咋！-_-玩完就去玩下飛碟，個遊戲幾普通的，不過好過無野玩喇！玩完就再行下搵下有冇其他銅牌，又周圍影相了！

入夜時我地就去玩咖啡杯了，今次好快就玩得…玩的時間我地玩得太激，轉到超頭暈，成個場轉得最勁一定係我地，真係頭暈到想嘔個種，之後落杯都仲有暈，要坐下，坐左差唔多十分鐘就出發搵野食，點知剛剛有對卡通人物黎，所以好快就可以影到相喇！正…之後佢地一定要去皇室食，個時見到個新娘，猜輸要同佢影相，明賢輸左，又唔去認衰仔，指我去，我又係咁拖時間，最後又被直認衰仔…之後到黃進，比佢死好命，個新娘剛剛換左衫，真係激氣…

之後食野，食個飯麻麻地，但係D 湯真係好差…唔掂，加唔抵…之後沖茶喝又猜輸，之後明賢同黃進唔知講講下講到茶包，仲賭五百蚊。最後明賢同我贏左，黃進輸每位二百五…呵呵！之後走時佢地兩個又係度話影相，但係要高炒影落相，兩個係度推黎推去，最後我上。可能因為之前比人話衰仔唔服，當場拎左相機爬上台上影相，基本野！落返黎比兩個衰仔話傻仔！無奈…

之後就行去玩木馬，一Round 就到我地了，真係快…不過隻Game 麻麻地，上下上下搖就完了！之後個時差唔多放煙花，就行去睡公主地堡，點知好多路都唔行得。行到城堡又要等，等左成十五分鐘呢，點知係我前面個男仔抱個女放係頭上，阻Q 住晒…黃進話佢都唔理，咁樣已經知道一定係大陛人了！算吧…開始了，好多野睇，真正放煙花真係超靚，但可惜手機差到不得了，>_< 如果唔係一定影到好靚好靚的相…之後十五分鐘度完了！散場超多人呀，我地又剛剛夠鐘去玩Space Mountain喇！去到有快證好快就玩得，第一次玩一定住坐車頭，同黃進坐，這個遊戲係咁多Game 中最好玩的一個，不過都係唔夠海洋公園！玩完先知有得影相，好傻仔！之後知道有單人玩，因為有個細路好囂張咁大大聲話【幾容易】，所以先知有單人隊玩，但係就同D 唔識的人，不過無所謂喇！

點知玩個時，又可以坐車頭，真係Good~ 同個細路玩，我係玩之前已經決定影個時要扮訓教，最後都係做到的，不過唔夠自然，但係隔離果個細路好勁，做埋V 手勢，小小年紀就咁勁！之後再Again，今次排隊玩，因為條隊好短，五分鐘都唔駛就有得玩，今次同明賢坐，因為黃進成日猜都未輸過！呵呵… 今次決定玩的動作係手槍加埋V 手勢，當然成勁喇，今次玩得最好，之後佢地兩個仲想玩，我就真係夠，仲有點想嘔，點知佢地兩個都無得玩，因為已經九點，人家要收工，呵！

之後就行返出去小鎮大街個邊，佢地兩個要買紀念品，而我就影下相，D野唔多抵，加上可以遲下叫人買，所以就自己一個坐底等佢地兩個，等到好耐呢！等到佢地返黎就影幾張相就走了，不過無咩電，唔開閃光燈影得好差，好黑！>_< 影完就走了，去搭迪士尼專線地鐵，係咁影相，個度好光猛，影D 相好好靚…之後上到車又影，真係滿載而歸，影左百幾二百張相，一部手機都可以係咁影，真係難得！

去到欣奧要轉車，真係好累呢，所以決定係個度直接搭去南昌了，去到南昌就西鐵轉輕鐵回家了！今日真係玩做十幾個鐘，成個人都散晒，但由於喝左茶，所以到而家都唔眼訓，真係頂！返到屋企都已經成十二點了，整下野打下日記已經兩點幾了！真係快…咁就一日，不過都幾好o既，可以參觀下Disney！但係有機會都一定唔會再去，因為D 遊戲真係好唔掂，完全同海洋公園差幾皮…玩咩都要排成個鐘，唔拎快證真係只可以玩一樣架咋！而且所有野都係For 小孩，遊戲唔夠激！>_<