九點幾起身，個人仲係呆下呆下…落床梳洗，整野食。十點幾就已經出門了，搭專巴好快就到新北江。去到個阿Sir 剛剛開門，我就岩岩好入去了…去到坐左陣就收到阿Bee 電話，知道佢黎補習，但唔識路…我出去接佢。阿良又跟埋黎，去到輕鐵站，見到阿Bee 哥哥的新Look，真係好型！

去到之後，阿Sir 都差唔多黎了，佢今日極之Down，教書時仲眼有淚光…上次佢先話散，但係佢個時好冇野，今日o既佢真係苦到形容唔到，感受到佢個種心情，我完成明白佢…佢今日教o既Chem，樣樣佢都可以與佢自己的故事扯上關係，講野又唔知佢講咩，寫野又寫錯，唉…愛情！

之後去到中斷，佢比我地休息五分鐘，之後佢咁o既心情當然好想講野又唔知講咩架喇，佢同阿Bee 傾下計，之後講講下講鋤D…阿Sir 就即刻玩番幾手，佢心情咁差都仲可以玩比我地睇，真係難得！佢玩得真係出神入化，唔怪得無人同佢鋤D 喇，第一次洗牌洗條青龍比自己，之後抽大小，一定係抽煙屎。又會知道第幾隻係之前的牌，真係睇到我呆左…我學到就好囉！之後完個時再叫佢玩多次，佢今日失左小小手，都有兩堂同花順…真係勁！

臨走都見佢同牛丸傾幾句，可想而知佢有幾慘喇，兩年感情講長唔長講短唔短，見到咁o既樣知道佢付出左好多，但都遭受這下場…弱者係唔岩玩這一種遊戲，到頭來受傷的必定是自己…之後返屋企時聽歌仔時有幾句真係幾正！我諗幾岩阿Sir 聽…【如不可相愛  記住已足夠 從不必追究  有沒有以後 不再一對  為何需要理由 不要再麻木挽留】

返到屋企食烏冬，睇下電視，之後就玩電腦玩到六點幾喇…七點度，同老豆出街，本黎諗住搭車出遠D 食，但係晒時間，咁就無用到張飛了，晒左！公左天恩食，係頌富諗住買皮鞋，但同老豆嘈完一輪，佢要我買Clarks，我就想買D 普普通通著多幾個月個D，唉~ 最終嘈交收場…返到屋企都冇講野，Then 老媽子、細妹返，我終於收返筆尾數了，比我細妹拖左四個月…終於有錢收番！