一早已經有吉堂，係地下自修區做Report，因為仲有一點未Sure / 完成…做完之後就溫陣Bio…好快就完了！小息走左去問Miss野，近排覺得成日都煩住Miss 添，Chem 同Bio 都係…>_< 之後返返課室。係中化堂時，努力地修改Report 上錯誤的地方。最後都叫接近尾聲，但係欠缺個計算同埋問題一…不過好彩有阿婷，英文堂借左佢個份黎抄計算，總算叫識做。

到正式做Lab 時，今次自己一個做，好快手地拎野做，第一次仲失敗左，滴過龍…由頭Do 過，好彩之後都做得幾順利，但係就慢過佳佳囉，都唔知佢有冇咁快？其他人完成一種漂白水時，佢已經做晒兩種，都唔知係唔係！點都好，之後係咁寫Report，係咁問阿婷，最後等唔切，用左佳佳個方法做問題一…睇落佢個個又好似幾岩咁，所以就拿拿聲交左了！

交完教明賢做，當個個係度做Report 時，我聽到實驗室果個Miss 笑，問佢咩事，佢就話李峰仲未做完。哈哈，個時我同佳佳已經做完，見李峰咁慢就行去問下佢趕唔趕時間架，佢仲慢手慢腳咁對我講趕架！真係比佢吹漲，佢仲有好多搞笑野。真係比笑死…

跟著就成班落去地下睇波了，場波真係悶到死，一味得個快…冇咩好波睇，個個都係打快攻，有咩用？十次有八次都炒，入球真係少到不得了。係最後信義入得多波，先有D 好睇。但結果根本就唔駛睇，信義贏成條街…睇完場波真係有點衝動想落場試試自己的球技，射左兩球都知咩事了，炒晒…成半年冇打過波了，生疏晒！

之後行去自修室，點Q知無位，只好落街行一轉，同明賢好配匙…之後返返去就有位了！仲去埋圖書館借到Bio 一年的Past Paper…返返去的時候，撞到個窿，仲坐我對面添！佢話有緣喎！-_-" 溫左一陣我就去補習了，補習時好眼訓，係咁訓下醒下咁…好彩之後阿昌打電話話令到我成個人醒晒！訓得個四個幾五個鐘，真係幾眼訓…不過今日上堂好精神，可能因為我又飲左…^^"要令自己可以有多D時間分配，真係好辛苦，只好在訓的時間減少，希望可以習慣…