今日本黎好似話係調位，但係Miss 話聽日先調喎…是但喇！我都冇咩所謂，咪一樣咁聽書！頭個三堂Chem 好比心機聽書，因為我發覺只要唔聽一分鐘，什至三十秒，已經可以完全唔知Miss 講咩架喇，而家上Chem 冇一個人會訓的，真係個個都好精神…不過係唔係聽書就唔知喇！阿暉就成曰都聊我…-_-"今次Chem Quiz 低分過佢…唉！背鬼錯晒D野，好唔抵…氧化就寫還原，條條都係咁…咁就冇左七八分了！Jerry 仲勁，廿幾分…我現在要視佢為對手，一定要羸佢！>_<

之後吉堂，去左地下清功課…係度做Chem Homework，成份都未做過，仲問左阿婷借答案黎睇添，點知比佢阿良轉做中文，而我就自己係度做，足足做左兩堂，頂…我都想抄答案的，但自己到時又唔識…仲衰！沒法子…

UE 堂好留心聽書，自從上次Miss Ho 的說話…都叫做明明地o既！算係一個開始喇，雖然這個開始係有點慢…不過都好過仲停係起點呀…

Lunch 食飯的時候被嬸嬸話左好耐，佢都唔係話o既，係咁同我講囉…我都唔知點好，我唔係對自己沒信心，係事實真係令到我覺得自己唔得…無謂喇！但最後都被她說服了…唉！反正我老豆老母話四千蚊都會用喇，佢地連四千蚊都可以買我得，我都冇法…只好做好點自己本份！

返到學校Bio Lab…去到做Lab Report，不過我已經一早完成了！Miss 仲行過黎問我係唔係做晒，佢仲比我係堂上做其他科的東西，真好人。我係度做Chem Lab Report，不過最後都冇做，因為比佳佳這個傻仔撩我…真係無聊！最後走得的時間係Bio Lab 度玩，同阿良名昌明賢係度玩估歌仔…最終阿昌輸左，要錄兩首歌…仲要清唱，唱得真抵死！

之後Bio Lab Close 時就落左地下了，得我、明賢、黃進係度溫書…我都冇咩溫到的，可能太多野令我分心了…集中力唔夠>_<溫到七點零就走了…返到屋企冇咩做野…查左少少英文生字就訓喇！