今日落雨，尋晚已經落了，估唔到今日又落！唉…出門口都早左，點知班班早都Full，同平時一樣，都係咁上下時間…>_< 晒我時間！之後返到屋企就即刻上課室了…係度睇報紙！ 又影帝…真係多新聞…之後早會完左就調位了，坐係明賢隔離-_-" Winnie 後面、黃進前面…個位都幾好！幾舒服，地方夠大、實用面積大、光線充足、冬暖夏涼、鄰近門口、交通方便…真係一個好地方！^^"

調完就上UE 了，今日Miss 講D野都叫做明，不過一定好難用…之後仲有好多Notes 添，未試過咁在意一份Eng Notes，今次係人生的第一次…完左課堂都叫做學左少少野咁喇！

到左Bio 堂，今日上的課題同上之的差唔多，不過同由頭學冇咩分別，之前聽過下，但已經完完全全唔記得…真係Shit~返學喎！>_<Bio Miss 仲話聽日Test，不過我係個時先知…真係死火先！好彩Miss 最後話星期五先測…咁都冇咁驚…因為我真係仲有好多野未做，英文都有三份野、Chem 有兩份Report…加埋Bio Test 我真係一日廿四個鐘都用唔晒…但始終都要做架喇！係中化堂的時間做英文的東東，我竟然會係其他堂做Eng D 野…真係世界變！D 時間好趕，係咁做…最後都係做得兩樣，仲有篇作文…t_t

放學時陪阿暉配眼鏡…頂，咁都唔落雨，Shit~ 講過要做的晒就要做…同佢去左壽富街個邊，我都冇作為的…只係陪下佢咁！我係個時仲睇下D Gucci、Burberry、CK 的眼鏡，有一兩款幾好的…攪到我想買添！不過無理由用千幾蚊買呀…太普通的款了！佢配完脈鏡就返學校了，上到班房就聽到歌了，原來係MP3 係Mic度出聲！

之後溫Chem，去左問Miss 野，其實個時成課都未睇，就咁行去問…不過好彩課文短，Miss 都有講下課野的重點…聽完都覺得OK 明o既，咩都要背囉！之後返課室做 Lab，但係唔多識做…因為要即堂交，所以而家要做定，唉！真係好多野做呀…書都冇時間溫了！My God…做到五點幾就被人趕了…之後我地當然唔會走喇，打個圈就返返去了…個時天已經黑了，再沒有光線溫書，那就開始練下掌上壓，一練就練到七點幾喇，今次阿暉都係度添！佢都算做得幾多果個…

之後就行去漫畫村陪明賢借野，仲有時間借野睇，服左佢！之後By LRT 到新元中，我要買野飲…跟著就西鐵回家了！返到屋企竟然被套電視劇吸引，豈有此理…>_< 仲要溫書呀！要溫書，要溫書… 聽日開始要博殺了，希望可以訓少幾個鐘喇！