一返到去就Bio Test 了，尋晚冇咩點溫過，好早就訓左…今朝出門後睇下份Notes，做左半個鐘度的時間黎記野，真係好亂，但無法一定要測。不斷術用短暫記憶去做，用左好多時間。最後唔夠時間做，但Miss 佢派答案，之後睇返知道自己答錯晒題目要問的東西，問非所答。唉，足足用左三堂黎攪份Test，攪到我仲帶左Bio 書一心諗住聽書架麻，點知撲空了！

之後中化堂時，出左去幫牛丸擦白板，因為佢幫我Keep 住部計數機，特登寫係白板問…所以我幫返佢擦白板！用左好耐時間-_- 之後聽短講，係度打泡泡龍…破唔返自己的紀錄。成堂中化堂係度打機…好快就過左了！

跟著終於上Chem 了，等左好耐喇，終於有得上，但係今堂講D 野好悶…我只係不斷抄筆記算了！之後功課改埋正就走得喇，都唔知點解今日過得特別快…走時成班話去昌度打機，點知都係吹水！之後自己一個回家，買本Milk 黎睇，目的都係睇Bape Zip Up，都唔係好靚姐，係產量少先炒到咁貴…唉！

之後去左上商等老豆拎紅簿仔黎轉戶口，攪左都好耐時間…好麻煩！當時的簽名同而家果個已經唔同了……之後去左緣茵Lunch，好少野揀，又貴！是是但但叫個餐算，點知黎到的時間，食落又幾好味。D 珍珠仲好特別，比平時食個D 好口感好多…

返到屋企睇下報紙，就眼訓，想去訓下喇，點知同老豆講錢的問題講到我好精神，係咁不斷計數，攪到我成個人醒神晒…仲係咁同佢理論，最終得益當然是我喇！^^ 之後都冇訓了，玩下電腦就去食飯了！

食完飯睇下電視，睇完又玩下電腦，玩玩下又眼訓，小睡十分鐘後就沖涼。沖完精神晒，開始溫書了，但溫溫下書又玩下ICQ，一ICQ就上埋網，邊玩邊溫…唉，而家已經係三點鐘喇！仲係好精神，奶茶真係幫左我唔少，打完日記又去睇下書咁，都唔知自己幾時先眼訓。