今日係生物考察日，朝早唔願起身，一起身好多野要整，又要汁衫，汁鞋、刷牙、洗臉、汁書包、換衫、食野…真係多到自己都唔知做咩好…最終出門都叫汁好晒D野，但係個頭就極之柒…算喇！柒慣… 返到屋企都冇遲到，仲有時間上班房放低D 野。今日見到好多Bio Group 的同學仔著晒PE 衫…本黎我都想，不過太窄了，好肉醜…睇黎我都唔會再著PE 架喇！

頭三堂Chem 教的內容Miss 都幾求其，冇咩點聽…只係係度睇李峰的睡姿！好快就落堂了…之後落左自修區溫書，今日有份Chem 功課都唔做…係度溫返之前的化學平衡，但係玩同埋傾計多過溫…-_- 之後上返去就UE 了，今堂UE Miss 講左好快會落堂，因為佢知我地Bio Group 的人好趕時間…好快就落左堂，都冇上過堂，一味抄…之後去換衫，換完衫後見對鞋又爛爛地，又唔想拎返屋企，索性拋棄它吧！^^"

之後Lunch 去左M記買野食，Then 仲要去7仔增值…無錢…窮窮！返到去Bio Group 都未齊人，早知唔駛咁趕喇，唉！等左5分鐘度就出發了，拎野時好傻仔，仲拎埋個盤，那時我真係諗住拎埋走，方便唔駛拎咁多野…T_T 之後出發搭968，成班鴨仔團咁…好似小學生去旅行咁，佳佳仲要帶好多零食…真係似到十足。

去到中環就落車行去碼頭，Miss 真係好趕咁，攪到個個都好趕…去到都係等架船開。坐船時見無聊扮勤力睇睇Notes…發覺自己太多野唔識了！-_-去到長洲，即刻買返杯雪糕先…真係好味！之後行左好大段路先到目的地…途中見到隻小狗滾落山，好可憐呢！好想養多隻…>_<

之後去左目的地就開始做野，Miss 第一組教我地，話咁快就做完，不過當然要做下樣照返D 相同埋捉返D 生物玩下…對鞋曾經濕過水，但係都冇事！真好彩…其實做個時真係幾好玩，都好普通…做完之後Miss 話要走了！不過仲有時間，我地成組影相，只係得一張係正經…最正都係阿Bee 個張，真係十足爬緊山咁…最衰Miss 咁快話要走，唔係可以玩多陣，影多幾張相！

出到去，係等船時又買雪糕，真係頂…仲要同人鬥快，不過因為我遲到，攪到阿良話我唔算羸…之後上到船坐埋一邊，就訓了…差唔多到時影左幾多夜景相，開始有點聖誕氣氛了…

到左中環，Miss 就話解散了…所以功具都要聽日帶返學交！-_- 都估到架喇…唉！之後好彩有阿昌捱義氣，幫我地拎…等我地唔駛係條街度拎住把尺周圍走，好過某某仲大條道理唔拎…阿昌真係好！之後同阿良、佳佳、Jerry行…佢地本先話想食野，真的那麼快？Shit…比我講幾句佢地就話行陣喇！之後搭地鐵去銅鑼灣先，個時又要增值了>_<…行左陣，本黎我睇下衫，但係去到Anytime 門口都唔敢入，一身咁o既Look，加上個柒頭，只係係門口望兩眼算了…之後同佢地行左好耐先搵到間佢地想食的檔口…真係辛苦！

食完野就行左去時代個邊睇野…幫Jerry 同阿良影左幾張相，個景又真係幾靚o既！之後入左時代行，成班仲話要行晒成個時代先走…之後由頂掃落黎，本先都冇咩野睇，去到某一層真係For 年青人，之後就入手了……>_< 仲要兩樣，頂！銀包突然穿左個窿…之後都冇咩行，掃埋個幾層就走了！同阿良行去搭巴士，而佳佳同Jerry 就MTR 走…行到巴士站剛剛好有車，真好運…不過行到無耐見到架962 行過，已經知道阿良遲過我上車都快過我…>_< 但係好彩，我返到天水圍時，我都快過佳佳…

返到屋企好多野整，真係趕到命都冇，而家先有少少時間打日記，而家個頭真係好想剪呀…不過今日用左好多蚊蚊，而家窮都燶！