今日個書包超重，但係又冇咩書之喎，帶衫、波、泵…好多野！中化都唔記得自己做咩了…之後Bio 要轉課室上堂，去到只係帶左本書，Notes冇帶…之後Miss 借左份黎，而家上Bio D 野好抽象咁…好生活化，好似唔多駛聽咁，但係唔聽又唔識，真吹漲！

吉堂去左Study Group，得我一個有做Past Paper，不過我都係得幾題！^^兩堂時間真係係度晒咁…我只係問左少少Past Paper 的問題，之後D時間都唔知去左邊，好快就完…不過都識D 野，畫圖都叫做識…太晒時間！不過佢地又有溫書，係冇做Past Ppaer 姐，都好過無！

Lunch 完左就PE，今日第一次上PE堂，估唔到係自由活動，一開始踢波，踢左兩場，第一場根本唔駛打…羸盡，黃進同阿Bee 玩晒！第二場就我、Bee、霍霍、Jerry、昌一組…之後佳佳、明賢、阿良、黃進、釗、肥文一組…我入得兩球，係有一球叫做靚波，另一球係撿雞…-_- 最後未玩完五球就落堂，不過個時已經四比三了，都叫做贏！^^"

踢完波，打波…得好少人咁…因為Phy 要做Lab，不過都有六個人打…三打三！第一場輸左，我、佳佳、Jerry 輸比霍霍、阿妖、阿良…之後唔服氣Again，仲要加碼，五十下掌上壓…最後好彩贏左！打完球，霍霍走先，我地五個就罰球掌上壓…第一Round 都好地地，係咁整比佳佳做，之後第二Round，係咁炒…做下百幾下…不過都好過佳佳，最尾一球一百下都輸埋…真係倒霉！

打完波上返課室…今日已經做左好多掌上壓，不過都要繼續做…做到隻手又痛又累…真係死得！之後同黃進返屋企了…返到屋企攪Jupas D野…好煩！頭幾科揀好就亂黎了…-_-…