今天換左季，最尾個日先黎換季，真係有少少特登的…頭三堂Bio 無咩聽書，仲要比Miss 兜口兜面話無聽書，係咁溫Chem，好彩之後佢都肯教返我。今堂Bio D 野又係睇題目睇答案…都冇咩點教過o既，所以先睇下Chem，咁岩又會比Miss 見到！唉~

之後CLC 無教書，只係聽人演講，開頭都冇咩事…到阿釗真係攪到我好留心聽，佢講掃地可以講成掃掃…真係唔知咩黎！-_-之後到最尾阿峰個愛的表白真係正，佢好勇呀…不過點解唔加多句呢？之後好快就完左兩堂中化喇，真係易過…上左咁多堂到而家都仲未拎過支筆出黎，都唔知自己係唔係返學o既…呵呵

小息睇Chem 時心血來潮去問Miss Leung 野，而家D 觀念清楚左…到上Chem 堂無帶書，又唔駛用筆…哈！仲要係上一堂咋，今日除左小息拎過支筆之外，其餘時間都無喇！之後就落左去教堂聽陸計會D 野，其實都冇咩特別！都冇咩聽佢講野，係度玩同埋傾計…放學即刻返屋企，返到去有得食公仔麵，仲要兩個添，真係開心…好耐冇食過喇，真係而家都仲回味！食野時，見無聊開隻【摯愛】黎睇，睇晒覺得真係唔係幾好睇，太少女咁…唯一睇完後知道o既係，好多戲份都係元朗取景…^^

之後睇完就返房了，無耐就訓著左，可能成個星期都好累，冇咩點訓…攪到我入到房就即刻訓左喇，訓到成六點幾！醒時都唔想醒架，隻眼都睜唔大…食完飯就睇電視玩電腦。之後就沖涼換衫出街喇，因為應承左B 樂 阿正 阿鵬 佢地十二月會出黎一次…見之前成日推佢地，又無見咁耐，就出左去喇！ 十一點幾出門，十二點幾先到，真係耐，都係等輕鐵等得耐，等左我成三個幾字…>_< 仲要好凍添！

去左Games 度，冇打機，因為個時都好眼訓…去到點幾就走了，去左工業村。但係有差差佬係附近冇得渣車，仲要比差佬問…不過都冇咩野！去到成兩點幾先有得玩，不過係去左第二個車場，途中見到Chem 個阿Sir 係度玩模型車…到我一開始時，死左幾次火，原來當Break 係腳門，頂…咁都有得攪錯？>_< 好彩有阿正提提我…之後渣都OK，今日學左後波同埋打燈…希望遲下可以一次過運用喇！

返到屋企已經三點半，而家打緊日記，但係仲好精神…都唔知點算！聽日仲要剪頭髮添，我諗而家我都唔知幾點先可以訓喇，咁精神想去勤力下添！