今日好累…尋日都唔係玩得好癲，又唔係好夜，都唔知點解好眼訓咁！頭三堂UE Listening 好多人都Sleepng，我開頭都頂得住，之後已經唔掂了！Bio Group 個D 真係好多都訓，見到Jerry 俾Miss 話完幾次都仲訓…就知咩事！我都俾佢叫醒過，之後咪對答案，岩DD…落堂先比Miss 整到醒晒，朝早又遲起身趕時間冇食野，小息落左去叫雞食…食完仲要搵Miss Wong 交請假信…之後返到上去又有點倦意！

上Bio 堂而家開始次次都要調課堂，成班好似蛇咁爬過去…之後一入課室Miss 都話個個未訓醒呀？佢之前都見到我地班好多人訓左，佢教書都教下停下，比我地休息，都有好幾次添，浪費左不少時間，不過佢教個D 都係睇題目睇答案，其實真係可以唔聽訓架，不過費事喇！佢教書真係幾有心機，幾照顧學生，但我吸引唔到姐…

之後吉堂落左地下自修區，唉！好唔想做功課，到而家份Chem 都未做過，之後又冇得抄唔做了！做Report，都係唔想做架，對上個次好有心機做都係咁低分，Fuck…比心機都冇用喇，攪到而家我都唔係幾願做功課，只係想溫書…不過唔柅到時抄死，所以都死死氣地去做，做到步驟而家停下來，因為已經夠鐘了！

中化堂做速讀，十萬個唔願意，不過見係MC 先做，之睇後題目都可以唔駛點睇原文，於是就咁寫答案了！對個時真係激氣，做個D 錯到仆街，亂做個D 岩六七成，真係有時D野唔係話努力勤力就會有回報，Chem Report 已經證明了！*_*

放左學係課室留到五點幾先走，今日返到屋企好早，六點幾就返到，咁早返到去要煮飯，-_- 下次都係唔好咁早返！煮完飯就去電腦度下載側田喇，今日放學已經想一早就走，不過都係溫陣書先。一開電腦，已經有好多人問我拎歌了，開Ftp 唔駛煩！係咁周圍搵側田新碟，最終都俾我搵到，下載完又分享比其他人…之後見電腦D File咁亂又汁汁佢…攪到成半個幾鐘！側田隻碟都冇時間聽，因為要睇返之前的阿旺…睇完又到今集…之後返返部電腦前都係聽得幾首！沒法，好早就訓了，因為真係幾累，只好入落MP3 聽日聽…

今日食飯時知道Tiger 死左  好可憐，未到聖誕就…養左一年都冇。佢死因應該係中毒或上次打架的傷口細菌感染……如果俾我見到個兩條狼狗，我一定一定會報仇…睇下佢地把口硬定木頭硬。

其實養寵物真係幾好，特別係狗添，真係好似人咁…係咩時間都會陪住主人，但係當一失去的時候，內心就如失去親人一般…