一返到學校就上班室，點知要落去排隊…-_-落去私原因係要放飛機…本黎只為好悶，好傻仔，點知到放飛機時又幾好玩…係咁扔晒D 飛機出去！之後仲要係地下汁黎飛，好彩我冇汁姐，唔係真係幾瘀…放完飛機就自修了，今日要趕起晒D 功課，雖0然唔係好趕，但係真係好多野做，行黎行去，做完又轉過第二份再做…到而家星期一交個份Chem 仲未做晒。

之後中化堂對卷，我冇測到驗，所以冇野做，又開始抄Lab Report…UE 堂做埋個少少問題之後就聽下書，點知做Discussion，今次係我有史以黎第一次o既Discussion，我都肯講幾句英文，只係幾句，都好過無呀…聽Winnie 同Bee 的Discussion真係幾好玩…學到野！第一次Discussion可以咁開心，之後李峰的演講幾好笑，雖然我唔識聽，不過佢真係幾好笑！好快就落堂了…

Lunch 完返課室係度玩放飛機，仲要飛落街，之後又係班室放，放飛機又幾好玩……^^之後Chem Lab，今次係我咁耐以黎第一次無Pre Lab 同埋無理解過份Report，成份Report 都唔明做咩…今日仲要唔記得記Lab Menu，要同明賢一齊做…好快就完成，寫Report 又唔識寫，係咁等人做…又問阿婷、佳佳…根本我由頭都未都唔知做咩，去到差唔多寫完份Report 先知道係搵二氧化硫的濃度！-_- 做晒所有野都仲有時間剩，無無聊聊係咁等…

之後走個時阿昌又問到人借羽毛球，之後同人玩左幾局，輸到七彩，自己唔識打…被炒！之後都冇再玩了，係旁邊溫Chem，但係到個場冇晒人時又玩返，開頭都係得我同明賢單打，而家無耐阿Bee 同埋阿光都黎埋，雙打…幾好玩！雖然走動唔方便，但係都覺得好好玩…真係好回味！雖然自己打得屎，但係都唔知點解覺得好好玩、好鍾意玩…玩到五點半度俾阿Sir 趕了！返埋一邊溫書…

一溫就溫到六點幾了，之後訓返陣就準備去補習…去補習途中同明賢去還書，之後就去補習了！補習時覺得個阿Sir 係就教得幾好，但係教得真係好慢，而家先去到酸…都唔知幾時先教得晒！今堂聽完之後又知左好多野，佢教得慢但教得清楚…本黎想唔再補，但又覺得到時Miss 左D 好重要o既野就慘…真係難選擇！都唔知繼續補定唔補添？？？？