今天起身幾凍下，但係之後梳洗完覺得好暖了…個時仲諗應唔應該著冷衫，好彩都有著，出到去都幾大風…可以剛剛係屋企出黎，唔覺太凍…今日返學，見到好多人已經著羽絨喇，真係唔知香港人點解咁怕凍？咁快著羽絨，遲下再凍D 都唔知點過…唉！

頭三堂吉堂，去左三堂一課堂，但係無耐就被Miss Leung 趕走了…Jerry 又話佢會幫我地出頭，最後一樣被趕走…之後落左地下，但係冇位，真係Shit，無理由坐出面吹風架麻！之後成班上去一樓，今次真係專心溫書呀…因為佢地未做功課，而我又想睇返之前Bio，個個都有自己野去做…開頭真係溫到，但冇耐，Jerry 話要聽歌，就破壞左寧靜的氣氛…T_T 自己本身聽住D 自己好熟o既歌就一定溫唔到書，因為個心都會跟著D 詞唱…唉！

到左小息，諗住咁近去小食部食D野喇…叫佳佳幫我買雞食，點知佢唔記得…Shit！白等…死死氣上返課室！中化堂黎左個覲堂的人，今堂我地要討論D 議題…同Winne Bee 明賢一齊，佢地諗左好多笑位出黎，我真係冇咩比到Point！之後由於明賢輸左要我地出去講。出到去真係忍唔到自己講D 野，笑左出黎…其實而家諗返唔係幾好笑…好傻仔！不過算喇…個時仲有好多野未講，但係因笑到講唔到，冇講晒就完了…

之後Chem 堂冇帶書，窮到冇錢買書，要Miss 借書比我地…只不過做左幾題數就完了，D 數初次接觸真係好有難度…唔睇書都唔知點計！Lunch 行去食飯好凍，不過食完返到可能填飽左個肚，唔覺凍…到Bio 堂，我地做返上次考察的Report，Winnie 係度寫，而我又冇咩做過野…哈！好快就落堂，真係過得易…

之後走去課堂做番今日要交的功課…做完踢幾腳波同埋溫下Bio 之後就被Miss 趕了…可想而知我做左幾耐功課喇…-_-"返屋企途中好凍呢，D 風係咁打落塊而，>_< 返到屋企都仲覺得凍呀！Shit~ 我間房仲要特別特別凍添…聽日PE 堂都唔知點算，都唔知係唔係著PE 衫呢…