今日又係要補習，補十點…但係我九點半仲係張床度，哈哈~ 又遲到！不過今次唔係好趕姐…之後9:50 先出門！搭輕鐵落元朗，去到千色唔見人，打左比阿良之後就落左去機舖…原來係得Bee 同埋阿良兩個咋！又以為自己係最遲果個…之後唔理喇，一場黎到，去左同阿良鬥車…玩左兩次先知道我地唔係對戰…大家部機都唔同，想連都連唔到！之後阿Bee 提我地先知…哈

我轉左機黎同阿良鬥，又係揀我的最愛EVO…今次用棍波同佢鬥，輸左第一場，之後複賽，比我險勝！哈哈…報左仇，跟著連阿Bee 都黎挑機…又係秋名山。>_< 好驚輸…自己又係第一次用棍波，不過最後贏左，仲可以玩晒成條賽道！嘩~ 勁滿足呀，用棍波可以贏到！玩完後已經被阿Sir 吹了，但係贏左可以玩多場，比左阿良玩埋就走了！

上到去個心仲係架EVO 度！>_< 跟著補個時 D O.Chem 基本野唔識…又D 咩緊密填充，同埋個D 偶極矩真係好難明…聽到阿Sir 話一日溫十五個鐘書，連續四個月都係咁…我都想可以做到咁！真係好想有個戰友…自己一個係屋企真係要好有恆心先溫到，人唔到最後個刻同埋知道危險黎緊個時先會作出反應，咁就無用喇！而我就係個種人…唉！聽日就開學了…溫書這個詞語講左幾百次，自己又真係做到幾多次呀？