今日四點九起左身，幾開心自己可以起到身，但係比自己預期中遲左三個字！明明校左搭半，之後聽到聲都唔識起身，仲係度懶床！之後起身梳洗一輪，又打返日記…五點幾就開始溫書了，一開始都無咩野，但溫溫下就好眼訓，無奈要搵D 野攪下…去左整野食，食完又再溫，之後又眼訓，今次就去換衫整頭…又精神返。真係覺得自己咁樣好辛苦…不過真係幾好的咁溫書！

七點五就出門了，由於早左出門，時間好鬆動，慢慢行…我而家先知道搭半個幾班車係咁迫，去到天慈D 人真係咩都唔理，係咁迫，好彩我唔係好迫姐！到左西鐵都係慢慢黎，因為仲比之前早成五至十分鐘…返到學校真係好早！未試過咁早的…真係好輕鬆！

之後上左課室訓一陣，因為隻眼都幾乾，要係咁滴眼藥水…頭個三堂Phy堂，即係吉堂，留左係課室溫書！雖然人少少，但係都好嘈…好難先溫書，最後都係要借Jerry的MP3 幫幫忙…咁先可以頂到…好彩佢入D 歌我得一首識，唔係都溫唔到書！

之後小息同阿良落左去食雞，傾返而家我地補習D 進度，個阿Sir 成日都唔教，又成日放飛機，進步可算係極慢…>_<之後返上課室，Winnie 仲話阿Sir今日都唔補…真係心都灰埋！連續兩日無得補…之後CLC 要做速讀的，但係無做到，係度睇Bio…實在係太多Bio唔識喇，真係唔知點算，再唔繼續努力真係唔知點算…

小息時同霍霍傾下頭D…之後明賢同埋黃進玩返尋日D野…黃進仲未做到佢要做o既野！哈哈~比好多人話衰仔。最後蘋進都無做到…去到UE，要做果個Section E…好難！不過聽完之後又覺得一步一步幾易…有時真係有人教同無人教真係好大分別！Lunch 完左之後一入課室都唔知咩事，只知慈恩叫我話黃進衰仔，之後黃進個樣勁無奈！哈~佢衰到要訓地…真係慘！

之後黃進行埋純真度，但係都做唔到！Miss 都黎埋，係中化個Miss黎代堂…跟著唔知點解玩玩下，黃進要同好多人猜，輸左要去Carman………不過唔知點解又變左同明賢！途中Miss 左好多，因為去左捉棋…去到放學都係未有野睇！個Game真係玩得耐…再之後D野真係愈黎愈離譜，真係幾難接受，不過我唔驚！

最後都係無野睇，係度溫書！今日又唔駛補習，等我帶左好多野添…於是係度做Chem Past Paper…到左比人趕時就菅地下溫！途中都有唔少吹水…真係幾好笑！今日過得幾輕鬆，係覺得自己仲未去到盡，仲可以去盡D…但溫書溫得太多，個腦好呆下！唉…

好窮呀我而家，銀包得個幾舊水，聽日又要食飯又要剪頭髮，都唔知夠唔夠洗…仲有這個月特別多節目，可能就到新年喇…我而家都唔知新年有冇新衫新褲著呀！好可憐呀我……