今日一返到學就上左課室擺野，之後落返去，見咁凍都唔駛排隊架喇，就上左課室，點知好多人都上埋去！個時都未宣佈，萬一真係要排真係起碼少左六個男仔…不過最後好彩唔駛排！頭三堂UE Test Section C，做左MC咋…之後就溫Bio，不過溫溫下就訓左囉！成個星期都無日真係訓得好…日日都要咁早起身，成七點四就要起身，真係累成人！我都好想可以訓四個鐘，但係又可以好精神！>_<

Chem 堂Miss 而家教個D 野同之前個D 差唔多，今堂就好似幫我地溫書咁，不過好多都唔識！唉…Miss 一定好失望。之後CLC 都唔覺做過D 咩，好快就過左囉！落左堂問左Miss 借機，星期一可能有機可以拍野囉…之後我就換衫走了！

同阿仁、阿暉、黃進、阿良、明賢食Lunch~ 點知間間都話唔好…由學校行到去恆香個邊都仲未搵到一間岩食…最後去左路邊食，山長水遠黎食，真係……不過好彩之後我同阿良補習係千色，反正都要行，無咩所謂！食完之後同阿良去Games 打機…近排好鍾意玩頭文，上一次玩完之後好似上左癮咁…雖然係初初玩，但係都夠贏阿良有餘…我未輸過…哈哈~好開心！

打完之後阿婷都黎埋，個時已經3:20囉，估唔到咁快，仲趕住上阿Sir 度，點知上到去要等門，阿Sir 仲係機舖！-_-早知打多陣喇…唉！補完習陪左阿Sir 買野飲…之後就去金威搵阿妖！同佢打左幾局頭文，又贏…好開心！之後有差佬黎查牌，第一次見！^^本黎想影相，不過廢事比差佬問……金威一蚊局真係抵屌…攪到我好想成日去添！>_<打到六點幾就走左…

返到屋企個個訓晒…>_< 成八點幾先開飯，打邊爐…食到飽一飽！尋日係銀座見到個鬼佬著裙…真係好嘔心！無郭富城著得咁好睇…男仔就好心唔好著短裙喇，長裙好睇D…不過始終都係Aaron 著得好睇…上次果個慈善演唱會真係著得好好睇！