尋日溫書溫到兩點幾三點先去訓…其實個時都唔眼訓，不過怕唔知醒所以就走左訓了！今朝七點半先起身，超唔願返學，又要排隊，又無堂上，之後都無出到門口！八點鐘可以溫書溫到十點幾先返學…途中比老豆係咁話！

第一次咁遲返學校，手續都唔多識…上到課室已經知道要調位，而我就坐係凌進隔離…上中化堂，我都無聽書，係度溫Chem 同埋Bio… 發覺得係度都唔係唔好，起碼上堂情況比之前好好多，溫書心態重左好多！壓力都有少少…因為凌進科科都好勁，我要追上去！

之後Chem 堂好平靜地聽書，Miss 仲以為我病添！-_-"其實係特登唔返朝早的…話咁快就已經到Lunch！真係好易就過了…咁o既校園生活真係好…又可以溫到書，又唔駛晒咁多時間聽埋晒D 無聊野！

到左Bio 堂要做P.P…唔想做！書都未溫好做黎都冇用…頂！而家唔係溫Chem 就Bio，但係Bio D 野溫完都唔識咁…好難呀！記得之前中六時仲覺得Bio 好易，而家到左中七先知咁多課一次過黎真係好難！要有好清晰的分析能力先可以做到…同埋D P.P 都唔知咩黎，出條題目我真係咩都唔識!&#$&^!@#*

之後放學返返課室拍中化D 野…得我、黃進、嘉榮拍咋！之後落在籃球場拍…射在十球三分入五球，退步左！不過都計唔錯的成績…起碼贏左黃進！哈哈~等佢開頭仲串嘴…之後仲要拍入樽鏡頭，由黃進去做，幾Take 就完了！之後返上去比返慈恩個組拍，而我地就係度等！係咁周圍走，周圍玩…等到成六點幾先到我地拍返！真係等得耐，佳佳個組都唔知點解要一格一格咁拍咁晒時間…之後我地拍就盡量一Take 過，但係都唔得。用左兩三次…不過都好好了，但係有好多野都好亂，唔知點算…到時如果冇得剪片真係唔知交咩…除左D 片亂之外，我地攪到個課室都好亂！^^

去到差唔多七點就走了，陪左慈恩去銀行過數，而我就係訪中係咁用部DV 睇返之前的片，阿暉都有睇，因為佢都有客串…之後睇返覺得唔係幾好笑，都係當時好笑！不過都拍左就算喇…之後陪埋慈恩搭276P，係車度都繼續睇返我地的片，仲聽埋添，因為車度好靜！都有幾多笑位，不過唔知算唔算攪爛Gag…

去到天慈就行返屋企了，都唔算好長，因為每個星期日我都會行咁o既距離去拎車入麻麻度…返到屋企都冇咩做，而家這刻想溫書，但係又眼訓，唔知點算好呢？