今日八點鐘收到阿婷電話要起身了…本黎好累架，不過剛剪完頭無耐，要用多D 時間攪攪佢，於是就即刻彈起身了！攪完一大輪，八點幾先出門，同上個星期無咩分別！可能仲遲左添…之後去到屯門又急急腳咁行去自修室，因為個時已經好多人了，唔行快D 無位就有排等…去到剛剛個位仲係位，真係唔該晒阿良同埋阿鋒喇…

之後就開始溫書了，第一科係英文，我九點半度開始做，做到十點九度先做完，之後對答案，錯到阿媽都唔認得…之後又用左大半個鐘係度睇返…足足做左兩個鐘攪份Matching，但結果都係唔識！用左兩個幾鐘時間去做，但係都無收穫，真係火都黎，成個人Down 晒，真係好想連部字典機都扔落地…

之後好嬲咁發呆…過左十分鐘度就唔再溫英文了，溫Bio…十二點度阿鋒就要去補習，我地就輪住坐阿鋒個位捱到食Lunch！食Lunch 個時都好火…因為仲係度諗英文！食完飯睇阿良D Bio Notes…好多英文都唔識，Only 係度睇公仔！阿良串埋生字就走了！

返到去溫返英文，阿婷教我做Matching 的方法，聽落好似幾易，但係我連好基本的生未都唔識，好難做！初時真係想死，好想唔做架喇，但係反正都查左一大半的生字就做埋佢喇！查完晒字都要問阿婷點做，佢真係好比心機教我呢，有點唔好意思，阻住佢溫書！之後我都開始掌握到D…

人生最認真做的一份Matching

做做下都配對左好多，最後個幾個都好快就攪掂埋，對完答案，岩左六個…真係有點唔相信係自己做，雖然有查字典，但係平時做連查埋都係唔識…今次做左出黎成績好好，起碼我收貨…有成一半岩左喎！開心到飛起…之後好興奮咁做多一年，今次問少左阿婷野，做出黎唔係岩好多，但係做多一次又岩多D，做多一次後終於岩晒…咁大個仔第一次做岩晒，好有成功感。之後再做返上一年的，做到岩晒為止！

做完真係好開心…未試過對住D 英文可以咁樣，有種好似KO 晒佢地咁o既感覺。完完全全擊敗左佢地…正！真係好多謝阿婷…做完英文後就溫下Chem，跟著又溫下Bio…最後就做Chem P.P，做到俾人趕為止！不過途中有唔少時間用黎傾計…

之後就西鐵回家了…返到天水圍就陪阿婷買間尺，點知道行到正豐前阿婷話睇住正豐關門…但我個時唔知咩事叫佢睇Aaron VCD！哈哈…前後真係差個五秒到o既事！就令到佢買唔到了…哈哈

陪佢搵多陣無就算數了，之後自己一個行去返去新北江，上左頂樓睇下…點知真係有間機舖係度，但係未開張，唔係得阿Bee話我知都唔知個度有間新野！到時打機唔駛成日出元朗…銀座又多人又貴喎，但係我諗個間咁細間，好似係兒童機舖黎…都係睇下佢幾點開張先算！

返到屋企都已經特登唔開電腦，沖完涼，食完飯都無開，去左睇電視…102斑點狗幾好睇，D 狗仔真係好得意，如果真係有咁多狗又咁聽話、咁乖的話，真係幾好！識聽人話喎，做少好多野…同埋隻隻都咁可愛，睇完都仲想繼續睇之前個D 斑點狗…^^睇完後終於忍唔住手去開電腦，玩ICQ…打返D日記！