今日都係好凍，咁凍的天氣係度迫自己訓四個鐘…點知訓左五個鐘！起身都懶得起…又係好趕時間頭三堂UE 要Discussion，好彩尋晚有做足功課，雖然Miss 之前比左提示我地，不過我都無理，自己做左D野講出黎算喇，更何況我都聽唔到慈恩講左D咩…所以我好少理，係咁講…不過都係講唔晒，好多都Miss 左，都叫過在關…之後就唔知做D 咩，我就係度做中化簡報D 野，尋晚太多野做，冇時間做！

之後Bio 堂又係好平淡咁過，發覺咁樣真係唔掂，我都無乜點聽過Miss 講書，話就話D 野係基本野，但係都要有D料先可以吹到水！唉…我而家只係溫返之前盧 Sir 教個D。之後Phy 堂打死都唔走住，之後個阿Sir 真係無返，咁就係課室度溫書喇，唔駛落去地下咁凍！溫極都唔入腦，好多野要背，個度又嘈！唉…點解其他人可以唔駛溫書？>_<我而家先開始溫得個幾日書已經好辛苦了，仲有成兩個多月…真係要好有定力同埋決心先得！

Lunch 去到嬸嬸度得我一個食飯…今餐有我愛的雞翼，真係好好味！正…返到學校上中化，要報導個簡介。明賢出左去講…哈哈！我地幾個真係無貸呀…好驚呀！驚出到去無野好講…^^之後聽晒所有組的簡介後就做自己野了！無溫到書係度同黃進鬥Lei樣鬥個樣…-_-" 樣樣都輸咁…無奈！

放左學就陪明賢行左去元朗廣場夾糖，之後行去自修室已經Full 到七彩…見到個個都係便服又係喎，而家D 中學個個都要考試放早，遲下又有D 考Mock，唔係早放都唔駛指意去溫書！我真係未試過見個自修室Full 到咁，真係一個位都冇…好恐怖！不過好多位都係霸o既，有D 仲衰，係度訓教！

之後諗住回家架喇，行到街市個時又諗到可以返學校溫…於是返左學校溫！因為近排都應該唔駛去自修室，一定Full…返到學校溫左個幾個兩個鐘，就訓左半個鐘，真係好眼訓！一日訓得五個鐘多D…真係慘！這些生活仲要維持兩個多月…My God。真係好想搵幾日朝早唔返學…唉！訓醒隻手無晒力，字都寫唔到！之後都無再溫了，去左玩琴…唔記得晒首【好人】點彈了！哈哈~~之後都係時間回家了！

其實我真係好想知道有幾多人會睇我日記？我聽落好似好多人都有睇，幾開心…不過高考將近，現在的我不能每天都打日記了…但當有時間都會打返之前的日記，因為講明日記就當然每日都記低D野架喇，就算唔記都會打D 無聊問題出黎…總之令到個日記日日都有野係度喇！仲有一樣好重要的東西就係……………

仲有兩個多月就高考了，就算我之前有幾懶玩都好，這段時間我都唔會特登出街玩架喇…請各朋友仔唔好叫我出黎玩喇！特登出黎玩太晒時間了，我想溫書…我唔要輸比其他人睇！(不過有時一場出到黎玩下輕鬆下都無妨…我真係好想玩架，但高考對我黎講好重要，就算英文唔合格我都要考好佢！I Will Try My Best~Nothing Is Impossible )