六點幾度醒左一醒，但係之後就訓返…仲發左個夢添！驚驚…之後八點鐘阿婷打黎叫我起身，個時都係剛剛訓返無耐，個時好想再返，但係廢事要女仔等…8:30度就出門去西鐵站，等左一陣就去搭車！去到屯門自修室，唔見阿良同埋阿鋒…於是自己搵位！無耐阿良同埋阿鋒已經黎到了！得三個位有四個人，阿婷就去左圖書館溫英文。

第一次去屯門個自修室，個度好有溫書氣氛，同元朗完全唔同，元朗果個一本書就可以霸足一日，成個自修室D人又訓又玩，都唔多溫書！但係係屯門就唔同，周不時清場，個個人都好有心機溫，攪到我都要溫，唔係咪洩底！成個上午都係溫Chem…成腦都係Chem！之後十二點九就去Lunch~ 去左吉之島，佢地應該次次都係黎個度食架喇！叫左個幾靚o既炒飯食…真係好靚！

之後食完見時間尚早，就去左機舖玩頭文字D…去到頭文爆左！之後諗住玩另外有四個人玩個D，點知有個人霸左部，又唔識做走開！結果三個同佢玩…根本就係幫佢拎分！六百幾匹o既車點玩都贏二百匹喇，個條友勁無品！不過我地無理，慢有慢玩…最後險勝！但係之後玩頭文輸左比阿良一個車頭位…明明帶足成程，最後都會輸！>_<之後同阿鋒玩，阿鋒又贏返阿良一個車頭！真係好笑…

之後到阿婷，佢對電腦，不過之後有個阿叔挑機…最後輸左！之後我地玩完就返返去自修室了…打完機成個人都好精神，就算食得幾飽都唔會眼訓，下午溫Bio 一點眼訓都冇…打完機真係成個人爽晒！三點幾有四個位，於是坐左去…不過個個位好似好多人望住咁，唔多自在！最後諗住六點半自己走先，六點幾就行左市中心一轉，之後返返黎都差唔多七點…關門成班都要走囉，第一次溫左咁多個鐘！感覺真好…

同阿婷西鐵回家，返到屋企見到一箱二箱…LCD Mon + 2.1 Bass Speaker，老豆老母真係買左！之後就即刻Install，攪攪下順手汁埋個書枱。整左成個鐘…之後沖涼！九點幾先食飯…打邊爐，正呀…有生根！食到飽一飽，食完玩電腦…凍到打字好慢！又要趕起份中化…唉！而家都係做得個少少…真係擔心份報告做唔切，明賢仲慢慢黎，百幾字都未打完！-_-"