今朝七點幾八點起身…Morning Call 真係好過響鬧，響鬧無種壓迫感…成日都Close 左佢就算，阿婷又打比我叫我起身！八點三度就出門口了，之後係西鐵站Join 埋佢…去到屯門已經八點九多DD囉！唔知點解訓得好似唔係幾夠，不過都好過平時架喇…阿婷今日做左好多傻仔野！

之後本黎諗住幫埋凌進霸位，但係佢九點先起身，佢趕唔到黎，所以無幫到佢霸位…得我、婷、鋒三人係度溫！一朝早唔溫Eng，因為已經Plan好晒，下午先開始…留返個位比Ming 同埋凌進！之後溫左好多Bio少少Chem，D Bio 好難背…而家溫個一刻又會識，之後問返我，我又唔識…都唔知係唔係真係溫左入腦，定係短暫記憶？之後十二點幾就Lunch~ 本黎諗住聽Listening，但係MP3 壞左…同埋阿鋒個耳筒Match 唔到我部機，最後都係睇Oral~ -_- 之後凌進就Join埋我地…

食完去左搵機打，但係間間都無位…最後無打到！返返自修室溫書…由於凌進黎左，所有我同阿婷落左咩自修圖書館的地方溫…個度好迫！>_<張椅係幾舒服，但係好迫，同埋剛剛食完野，好眼訓…好難頂！跟著阿婷就我唔係度溫，決定去美食廣場溫！期間陪佢去惠康買野，買野都學英文…真係勁…本黎我想教返佢D Levis 架，但係佢又唔肯比我教…當係答謝佢教我英文都好呀…之後去左美食廣場溫！

個度幾時都係咁多人，真係激氣…不過好彩有位，但係就唔係幾好意思唔食野係度霸左個位囉…之後夜少少都有唔少人係咁！七點幾，阿鋒、Ming、凌進都黎埋，五條友轉大枱溫！真係好惡…唔食野係咁霸位。我又係度作文…作左好耐！而家篇文都唔知咩成績…好想知下幾多分…夜晚食M記，好耐未食過喇…^^食完就轉科溫中文…勁野！睇左中化D 答題，真係講到天花鳳都得…學左唔少野！有機會真係想下次睇多D…去到最後都已經唔係溫書了，係度吹水…吹到咁上下就走了…個美食廣場由多人溫到無咩人，今日已經破左記錄了，09:00-22:30左右，途中有小休同埋進膳…真係好勁…

之後西鐵回家…本黎好似話係Oral，但係好似唔記得左咁囉！算喇…一次半次。送完阿婷之後行去搭專車，仲以為尾部車都走左，因為已經23:32…點知尾班車剛剛到，好彩姐…唔駛行返屋企！^^返到屋企訓晒所有人，我就仲好精神…沖完涼就ICQ了…去到兩點幾都唔眼訓，原來咖啡都對我有效！不過我覺得奶茶可以即時幫我提神…大概是心理作用掛！兩點幾三點先訓…