今日同平時返學一樣時間起身，但係成04:50先起到，我發覺自己真係好鍾意賴床…成日都仲想訓，平時的我唔係咁架，而家發覺自己成日都會遲到，平時都唔會遲到的…可能大概我是香港人掛！07:39 返到學校，點知阿婷已經一早到左，好彩我無遲到姐！要女兒家等唔好意思…之後知道寒冷氣侯所以上左去課室溫書！平時Miss Leung 見到我一早上左黎，一定要我落返去，今次佢唔話我喎…可能見我咁用心溫書喇！

之後頭三堂Chem 上堂聽命名，都幾難，不過做多D 就無咩問題，係無書先係最大問題！之後都無咩特別…到左吉堂，阿婷幫我交左份作文比Miss…而我就係自修區溫書了，現在應該都唔會再去一樓了，好浪費時間！先修期間見到好多Bee 同埋Winnie 貼紙相，真係好多，不過只係少部份黎…多到有張A4 的Size！-_-

之後去到Eng lesson，好刺激，又抽唔到我！哈哈~之後對返星期五Test 的答案，睇左極低分呀個Part Conditionals…好唔開心！之後Miss 話佢改錯卷，待我改返之後成績有所轉變…個Part 23/29呀！好開心…好有成功感…不過應該仲可以再好D！而其他部份就未學、唔記得…得好低分！>_<希望遲下阿婷教返我，等我到時作文都可以用下喇…

Lunch 完左的Bio 堂好眼訓，真係好累，訓左幾個未之後比Miss 叫醒…平時分一定好低！^^"之後做埋P.P 就走得…但係我地中化化個組又要做返個唐山喎，所以留左係課室度做，第一組就係我地喇…都唔知有咩講，全部都係即場的…不過睇左咁多次段片，已經覺得唔係咁好笑…-_-" 係D 背景音樂幾正！黃進真係用左唔少心機去整…佢真係做左好多野，我內心有點過意唔去添！咩都係佢做…

之後完晒，又繼續睇我地組的片…都唔係咁好笑姐！30分鐘的片，都睇左一半度了…好多爛Gag~睇完就落左去搵阿婷做Listen…係自修區出面做…愈做愈凍！之後做晒Miss Ho 行出黎打沉我…我真係無野好講…一味話係！本黎我對英文仲有信心架，點知比佢講一講，打到沉晒…豈有此理！之後都冇咩心機溫書…睇Bio 時睇到訓左，好彩阿婷同我分析話而家要我溫唔係想全部Pass，係博幾科Pass，拉出黎都Pass！聽完都有返D 信心……唔係無左目標我諗我同Pet 屎無咩分別！>_<

醒返都已經20:30，差唔多走了！之後同阿婷食麵，再去KFC Again…不過我個時已經唔係幾舒服，個胃有點痛…咁岩阿婷有胃藥，食左都仲係咁…真係好辛苦！去左廁所嘔左出黎，舒服左少少…不過都仲係胃痛！之後我都無溫到書，休息…最後都係講左一篇英文今日的Conditionals，就完了…阿婷見我咁辛苦就唔溫返屋企了！Thanks~

行去西鐵站的路真係好長，又凍…好艱辛先可以行完！之後送埋阿婷返屋企就嘭嘭聲返屋企了，因為自己知道隨時都唔舒服，痛得要命哦！返到屋企沖涼同埋打日記就去休息了！