今日要補習的…不過慈思同埋阿婷都病左！前排成日遲到，今日我準時九點係千色，但係無人係度！-_-"所以話呢準時冇人知，遲到就全世界都知。跟著收到阿良Call，話阿Sir 要九點半先得，阿良就叫我去打機了！又好…不過已經無咩錢了！之後去到估唔到一個人都無，真係岩晒！係咁同阿良鬥車，阿良又唔肯玩無後追，係秋名雪輸左比佢…次次輸都係輸後追度！>_<之後去到九點半阿Bee 都黎埋，我又同佢玩返局…之後就去補習囉！

上到去，阿Sir 放左隻狗出黎，因為佢隻大狗死左，唔想隻細狗咁悶…所以我地成堂補習都有隻狗係度，個個都好鍾意隻狗，而我就麻麻地，最唔想就係佢係度黏我…-_-"途中的休息個個都係玩狗…事實隻狗真係幾可愛。補完習就Call 人溫書，係咁Call，阿鋒又話無時間溫，慈恩病左，阿婷搵唔到…之後就決定同阿良去打機了，本黎想溫書的心咁就無左喇！去左金得旺打，打得幾舖就走了，因為好多MK仔係度…之後就返屋企囉！

返到屋企無耐先話阿婷可以溫書，好彩咩都未換，如果唔係都唔願再出去…之後三點鐘去阿婷度溫書，又玩狗，細細隻係得意D。今次係度做Section E，真係好難，不過做做下就明白，但係時間好難控制囉！今日係阿婷度食左佢好多野，真係咩都有咁…又食又飲！^^做完睇多陣Oral 就走了…返返屋企！

返到屋企都好早，係度Hea 陣就食飯，食完就沖涼訓了，好驚聽日起唔到身返學，因為近排無一日係早起身…>_<