今日第一日返學了，放左好耐假，不過都起到身，只不過好趕時間姐…返到學校七點九，但係唔見阿婷，比她放飛機！-_-"今日個人好呆滯，可能未習慣返學。頭三堂係Bio，做返上次係補課時做的05 P.P，好難咁！真係未做過P.P 去考試可以話死左九成，根本就唔知佢個答案係可以咁答o既，同埋都唔知出的題目會係咁，又唔知答案係要答咩先會岩，所以而家做P.P 都唔錯，不過可能進度就慢左好多，不過好過無喇！

之後吉堂，落左地下自修室溫書，好傻仔呀我，揀左個位好嘈，出面班仆街仔係咁講粗口，大大聲方死人唔知佢地係度講粗口咁，仲要係度講埋D無聊野，阻住晒我溫書，頂！好難先專心溫到書，佢地又講得大聲，好無品！係正自修室隔離嘈Q住晒…溫得好少野，都係得幾頂Bio！

之後上返去就Eng了…今堂都唔唔記得佢講咩囉，只係知道要做Oral了，我同慈恩阿妖一組，屎鬥屎，哈哈！之後放學本黎要補習，但係阿Sir又話唔得…之後就決定係學校溫書囉，我同慈恩去左小金井度食，去到叫返個牛肉火鍋定食，真係好好味！正呀…慈恩叫的壽司得個十件度，佢食得四五件就話飽，真係細食…食完之後就返學校溫書了！

溫溫下阿婷就黎左喇，之後一直係咁溫，溫到七點三就走人了！返到屋企自己一人，要食自己…我又係食公仔麵，哈哈【賣飛彿】My Favourite…之後仲煮左個湯添，不過唔好喝o既！食完就返返房玩電腦了…一玩就玩到點幾鐘囉！>_<