今日六點鐘要叫阿婷，點知自己都係唔願起身，一直訓到七點四先起身…我都唔想係咁訓落去，好晒時間！返到學上堂好無聊，又係Bio P.P 之後中化就溫書同埋訓教，Chem 堂就連書都唔聽，D In O.Chem 都放棄左一大半了…之後放學去到同阿良同埋Maggie食，我覺得同佢地食係一個好大o既錯誤…佢地食完行街，我都唔鍾意行元朗…好悶！佢地行得好開心…周圍睇！

之後係千色見到Winnie同埋阿Bee，Winnie 拎左本雜誌比我，我當堂成個醒晒…正呀！好多正野睇，之後就上左阿Sir 度了，上到去都係度睇緊…Hehe~之後默書，溫書…我覺得咁樣幾好，幫我地加深或回復記憶，好快可以記返D 野，唔錯！補完就用最快o既時間睇埋本野佢，真係睇到我唔肯還返比Winnie 呀…^^ 之後就返左學校溫書，一溫就溫到七點幾八點囉！個時已經勁肚餓，一返到屋企係咁食野…而家食到飽飽就打日記囉！

無聊一提：原來唔經唔覺已經買左咁多Aaron 的碟…加加埋埋都有幾千蚊！次次都係一出就買…唉！如果唔買o既話，我而家可以用黎買衫褲喇！>_<