今日可以訓晏D，不過唔知點解訓到咁上下就會醒，可能要叫人起身喇，我明明校左九點半，但係自己八點幾九點就起左身喇，於是起身打日記！九點半就打電話嘈醒慈恩喇…之後我都換衫汁下野咁，再叫媽子煮早餐，佢真係好喇，整個只係就咁加滾水o既杯麵比我。之後十點半先去搭車，去到第一個到。不過係未落車時已經見到阿良，佢只係去左買野食…大家真係好似特登遲到咁！

之後等人o既時間好悶，同阿良出左去行陣，睇到間機舖已經入好晒D 機，不過仲未知幾時開，有兩部頭D呀！^^應該係一蚊添…正正。之後返返去阿Sir 都未到，我就叫阿婷帶我去打番上次個部機，阿良慈恩都有黎…去到慈恩第一個，佢第一次玩，16個！之後到阿婷就好似18，阿良又係16，哈哈！兩個16，我只要高過16就唔駛輸了，我玩o既時間一開頭Miss 左好多，不過最後成績都有廿個，保持紀錄！輸左兩個唔應輸，賴皮唔影相！-_-"之後返返去阿Sir 就到了…

教左一個鐘頭的InO.Chem，第一次聽，因為上堂成日都唔聽Miss 講野，等阿Sir 教，點知好多都好難明，死背咁…無買書真係死得囉！筆記又英文，我睇黎要放棄佢喇…完左阿Sir 話借佢間屋比我地溫書，之後我就同慈恩去銀座買野，買完就上慈恩度食Lunch…佢真係一個電視電影迷，對白都記得晒。-_-"我真係唔得，睇完一次，幾個月後可以完完全全唔記得個故事係講咩添！臨走時上網同佢睇鏈，攪到自己都想買…之後就落元朗千色睇喇！我只係想買鏈咋…因為尋日媽子買左Dog Tag 比我，見佢唔係成日送野比我，咁難得我先特登去搵鏈黎帶…(佢買個Tag 就OK，不過條鏈就SM 款咁，都好，可以襯其他衫)

買完就Join 埋牛丸上去阿Sir 度了，一去到我唔係溫書，周圍睇野…之後溫左一陣書就開始坐唔定了！因為得我慈恩同埋牛丸，三個都係坐唔定o既人(但阿Sir 竟然話我坐得定-_-)。之後無耐我就係度汁漫畫了…真係好多漫畫，汁死我！之後阿良都黎埋…我都係無溫書，一汁就汁到五點幾了，仲比媽子吹我…之後老豆打電話黎問我係邊，我仲係阿Sir 度，比佢鬧完一輪！落到樓極速跑去…之後就入麻麻度了…

入到去都差唔多齊人，等左一陣就有野食了，盆菜…正正！本黎想影相，不過同上次係屋企食果個差唔多，只係多左料咁…盆菜就幾好味，不過所有人都係咁揀餸，攪到我都唔係幾想食，我都係盆菜係要咁食，但係真係唔得！打邊爐都有湯洗洗呀，盆菜真係好似係度食口水咁…食完之後就同梓澄捉琪，本黎我可以贏，不過教返佢轉頭，攪到自己差點輸…之後捉到尾真係無信心贏，係贏多一隻卒！

玩完就返房彃下琴咁，之後又煲煲個耳筒！^^八點度就走了…之後叫老豆係千色放低我，我就上左阿Sir 度。上到去又唔係溫書，睇左一陣(真係得個一陣)筆記後就又去玩電腦，之後玩玩下慈恩黎埋，我地就做Oral 了！點知阿婷係度睇漫畫，我見睇完Oral，等做o既時候又汁下漫畫咁！阿婷睇到上埋癮，而我地就係度等，等左無耐我地就玩鋤大D，阿良聊我地玩。哈~玩到十點幾阿Sir 返，收到收唔切！好彩無比佢睇到，唔係佢唔比我地再上黎都似，比間屋我地玩…-_-"

之後十一點幾就走了，落左X 打槍Game 同埋頭D…之後就西鐵回家了！返到屋企好累，好似浪費左一天，如果我唔去阿Sir 度我都可以晏就教下慈恩Chem，夜晚可以係麻麻度溫下Chem，可以早D 返屋企，可以早D 沖涼，可以早D 訓教，可以聽日精神D，可以聽日唔駛再浪費時間…今日真係做左個錯誤決定…早知阿Sir 唔係教/溫書的話，我就唔上喇，都係多得【農夫】囉！(農夫-->Farmer-->花貓-->FlowerCat-->李慈恩小姐)-_-" 等妳係自己日記打我架喇！攪到我而家又多左幾個花名，仲要個個都改得係咁衰。