情人節以前好想有位情人，但現在……

今日勁早返到學校，點知個時阿婷先剛出門…只好係班房訓教，之後勁唔舒服，好彩訓左陣無咩事！之後係早會時聽Miss Ho 話有位老師離世，聽個時都冇咩野，因為我都唔知佢邊個，佢又唔識我，但係Miss Leung 係中段就減左出黎，仲行左出課室，個時我感受到那份悲哀。我仲係度諗身邊的朋友、親人離去，我會點呢？我係好細個時爺爺已經死左，個時我仲細，唔係好知，同埋而家我都記唔起。我只係知道細個個時爺爺好疼我，。懂事之後咁多年都經歷過身邊的人離去(咁當然唔好發生就最好喇)，我諗過我經歷時會點呢？我之前都有諗過，我知道一定好難過，之前死左o既狗，只不過係一年的感情我都咁心痛，如果係我相處近廿年的父母我真係唔知會點？人，有時候真的很兒戲，永遠也不知道自己何時離世？即使身體健康也可能隨時遇上意外，想到這點，我更加珍惜眼前所擁有的一切…能夠相識、能夠成為父子/母子/兄妹是上天的安排！珍惜眼前人…

之後頭三堂的中化要做返上次的討論，真係好野，個心唔想聽書住，咁岩就係中化堂，唔駛用腦！哈~又係溫英文，今次係睇文，不過我用左好多時間都睇唔明，傾計玩就最多…-_-"之後小息已經好眼訓，本黎要拎字典都無拎了，係度訓！到左Bio 堂又係P.P，攪到我又眼訓，做左幾題就唔做了！上下網…之後最尾又訓過！

吉堂的時候落左地下溫書，Chem 而家易溫過Bio 好多，我個腦實在唔想死背D野…但係而家我D Chem 都仲係咁屎，O.Chem 無做一排又唔係好記得！Holly Shit~ 之後慈恩請我食芒果"抹屎"，幾好味！不過好少芒果粒…>_<都好過無喇。之後Lunch 極速去食，好驚落大雨…

慈恩整o既【抹屎】

返到黎P.E 架本黎，不過天雨，唔駛上！好彩我無諗住上P.E 姐，之後上返課室學英文…放學又黎過，要作文。又係作到超晒時…豈有此理！作左幾次文都係咁，始終都好難諗到D 英文字…之後溫到七點幾就無溫了，係度傾計。又用英文表達，不過真係表達唔出我想表達的意思，最後都係用番中文。Hehe~之後就返屋企了…

返到屋企睇到有Pizza食，正…好彩今日無係街食姐。食左好多Pizzza呀我…食到飽飽，之後就玩電腦了！唔知點解例牌一定要玩陣電腦先心息，但係一玩就玩勁耐…迫我溫書已經有阿婷做到，但係唔俾我玩電腦又有邊個做到？難道真係要叫母親大人鎖機？>_<

今日唯一收到的朱古力，但係被農夫拎左黎食…-_-