今天的事講起黎真係有排講…今日經歷左好多野，心情有唔捨得、內疚、唔服輸…太多野了

一早就有吉堂，落在地下做埋英文個125題，對答案個時輸左比慈恩十一題…做第二次之前個d岩返多D，不過D Conditional Sentence錯得比第一次多… 之後上返去無咩野做，到左UE，Miss Ho講D 離別o既說話，最後又播左首歌比成班聽，又叫我地寫返D野比佢…之後黃進就行過黎話破左我紀錄，個時我就即刻玩返，又比我破返！

Lunch 時，我同慈恩係度玩波，一個唔小心就整到個波飛左去阿暉同埋阿婷個頭度，阿婷之前都話話我地唔好踢波，整到佢之後，佢就出左班房，個時都唔知咩事，仲以為佢嬲…不過Chem堂時佢返返黎無耐就有D唔對路了，佢手不停咁震，之後仲要Call 白車，攪到我大件事，成件事都係因我而起，當佢被送左醫院後，真係好擔心佢…

放左學，行去補習時Send SMS 問候佢，佢當時要做檢查所以都仲未知佢點，之後補緊習時收到佢SMS，佢話無事，叫我地唔駛擔心！整堂補習成班都無咩心精咁，到走o既時候都係無咩幾句，行去搭車，阿良係咁話無事o既，叫我唔駛擔心，之前阿鋒都話唔駛咁，無咩事，但真係唔到我唔擔心，個波係我整到落去阿暉同阿婷個頭度，如果真係有咩事，我真係好內疚！好彩夜晚收到阿良電話，佢話我知阿婷已經出左院，叫我唔駛太擔心…個時放下心頭大石，不過都仲係擔心佢出左院都係仲有咩唔舒服，佢朝早都已經病病地咁…比個波打得咁應，真係好驚！希望阿婷早日康復…

今日日記雖然係少，不過係我經歷最多野的一日…