今日一早就已經要起身，之後七點九已經係慈恩門口度等佢，打極比佢都冇人聽，去到成八點先開門比我入去，呆等左十五分鐘。之後入到佢，佢仲係咩都未得，真係死火。七點三已經叫醒佢，八點都未攪掂，等死人呀！之後攪完一大輪先出去，差唔多到天水圍西鐵站時，阿婷話已經上左車就到，我地本黎話唔一齊去，之後諗諗下應該可以趕到，係咁跑去西鐵站度，跑到氣都無…點知阿婷打黎話佢搭錯車，去左錦上路，當堂成個呆晒！之後等埋佢先出去，個時已經八點九度喇，去到屯門打比阿鋒，阿鋒話今日係有史以黎第一次咁多人，佢都話自己排唔到！呵~咁就決定左落地下自修圖書館喇…好彩地下都有位，唔係就要去美食廣場溫架喇，今日溫中化，仲係度借左D P.P 睇下…今日先知道中化考的模式係點，hehe~成個朝早都係睇中化，途中又教下慈恩Chem！之後Lunch，我地就搬去美食廣場喇，去到食個好想食上次食果個餐，點知食落口已經知道傻仔了，勁難食，D ?仲要係凍架添…真係豈有此理！

阿肥又抓我

食完野就溫書了，送左慈恩走先，仲同佢去買野，本黎我都想買個護Mon 的東東，不過太卡通，唔係好岩我！返返美食廣場就努力了…不過都唔係好專心咁溫，一黎太嘈，二黎溫溫下就想傾計。最尾個幾十分鐘就決定聽住MP3 黎溫，等無咁嘈(因為已經係食飯時間)…起碼咁樣溫容易集中精神，頂！之後就搭車落元朗補習，係元朗搵埋慈恩先去食…刀削麵！行去刀削麵期間，兩位女士真係完全無停過口係咁玩…連食麵都要係度玩，我只有一副無奈的表情！連我想食o既拉麵都唔俾我食，係都要我食刀削麵，勁無奈！食完麵，阿良就Join 埋我地，之後就上阿Sir 度補習了…上到去完全唔似補習，hehe！一D 睇漫畫、一D打機、一D睇雜誌、一D食野…好似係一個聚會咁。我仲係雜誌睇到Juice半價，真係心動添，好想衝出去買！

之後真係正式補喇，補o既時間好似覺得好慢咁，因為我好想打機…hehe~之後補到十一點幾就走了！同阿良去西鐵回家…又比我地剛剛好搭到架車，真係好彩，唔駛等成十分鐘！hehe~返到屋企又攪一輪先可以訓，好想係咁訓呀！>_<