今日又係唔願起身，之後起身整野，整到搭半，之後見搭八都未出得門口，於是就整埋個公仔麵食先返學喇！本黎諗住再遲D 返架喇，不過太遲又要打電話，真係煩！之後返學早買埋金莎同埋薯餅先返，都係遲左半個鐘頭，都唔係好過份…之後係地下見到阿暉同阿鋒，跟著就同佢地一齊溫書喇，因為上到去Bio 堂都係P.P，好悶！係地下自己鍾意做咩就做咩，Free…之後去左後台度溫書，邊聽歌邊溫書，好自由！

之後收到阿婷電話話就影相，於是就汁野上去，點知上到去都唔係影班相，仲比阿暉同埋阿鋒話我玩佢地，令到佢地早左咁多上黎…-_-"之後的吉堂又落返地下溫書，本黎以為都係個段時間影，點知都唔係！溫英文時，慈恩成日問我Chem，攪到我都係溫唔到英文，最後兩堂白白咁過左，好白痴！之後UE 堂，一定要影相架喇，估唔到一上到去就即刻要落返去，真係快…跟著落地下去左教堂度等影相，點知佢話唔駛用自己件外套，佢會提供，我頂呀，一定就咁講喇，成班有三四種款式，之前又叫我地帶，到我地帶左又唔用，玩我地，不過算喇，佢都有提供比我地！

影Q版個時走左去黃進個邊，之後諗定點擺pose，仲係度扔外套黎遮住其他人個樣，不過個攝影師的影相方法真係太奇特，好難捉緊時機，唔知影成點！好想快D 有相睇睇…影完相返返課室都冇咩野教，可能我又係唔聽書喇，好快就放學了。今日過得好簡單…

之後自己一個去食Lunch，唔記得同嬸嬸講聲，所以去埋佢度食，仲好喇，慳返D 飯錢…之後食完就嘭嘭聲好千色，老豆叫我去搬電腦，攪到我一食完就要飛去千色，拎完電腦又要拎去婆婆度放低佢，行左四層樓梯，熱死…好彩婆婆係屋企，唔係我又要拎餐死！上到婆婆度熱到我呀，飲左汽水就走了，去左千色搵阿婷同埋慈恩，之後係三聯遊左陣就去阿Sir 度了…

今日補O.Chem，都係溫下書，而家O.Chem 係最有信心的一Part，不過成日都做錯，真係激氣。好快就補完，之後返返去學校溫書，溫左無耐已經無咩心機溫，最後又變左玩…最後頂唔住了，放低慈恩一個就返屋企了，約左媽媽食飯！之後返到屋企終於可以一家人食飯，好耐未試過了…我仲特登唔補習返屋企食飯，點知食完飯無耐糾到慈恩話阿Sir 今日教Chem and So，我個時都唔想去架，佢仲話唔會再教，我又見我真係唔識，於是以極速跑去…21:05出門，21:25去到阿Sir 度，仲要買埋B 記上去，我都估唔到自己可以咁快…上到阿Sir 度出晒汗，佢地就食埋野先開始教，我就抖抖…打下PSP 咁，真係幾好玩！正~

之後十一點就放了，不過我係阿Sir 度睇埋Aaron 先走，太耐無見佢了！勁歌一開始就見到喇，開心死…到十一點半就走了，好累。之後去左慈恩度一陣就走了…返到屋企就沖涼訓了！