今日本身去屯門溫書o既，但係近排實在太累喇，一定要訓多幾個鐘補返數，但好衰唔衰尋日喝左咖啡，攪到尋晚點幾兩點都未眼訓，最後都係要迫自己訓…如果唔係我平時十點幾十一點應該就眼訓架喇！今朝特登熄個電話黎等自己可以訓耐D，點知都係訓得個八個鐘，訓到十點鐘自動起身…頂！>_<

起身後當然要迫自己溫書喇，因為我一係屋企就一定溫唔到書，之後係咁睇Chem…不過都係好難專心，太多誘惑，又無人從旁督促。不過都算好架喇，起碼有睇過下書呀！之後三點幾已經頂唔住，變左玩電腦囉…-_-"去到五點幾就換衫落元朗了！

落到元朗都係六點左右，之後慢慢行，行返學校前等專車接送去駕駛學院…個時都唔知做咩，一去到唔知頭唔知路咁等。我根本就咩都唔知，我媽子幫我報埋名學車我都係幾日前先知…無端百事係我AL 前報學車，係唔係傻架？玩我咩？頂！仲要比埋錢添…根本就係迫我去…Shit~

去到真係唔知點，咩都冇帶…之後六點半就開始個咩新生講座！爆無聊，我聽都冇心機聽，我最主要係想個筆試延遲到AL 彼咋，所以佢講咩我冇無理過…之後一個鐘後就休息五分鐘，黎跟又有一個鐘的理論課，我真係想死。咁就可以無左幾個鐘喇…之後聽個理論課都係講解下學車D 野…個阿Sir 成日都係度攪爛Gag，我真係笑都笑唔出，但係成班有勁多人都笑！成班都係傻架，好多睇個樣都係兩三張野…-_-之後完左個時已經八點幾九點了，我仲要簽名拎返D 文件，要係個度等排籌。等到九點幾先到我，Shit…勁浪費緊我D 時間。

之後我簽完文件就即刻問佢個筆記可唔可以係咁延期，佢話無問題，放心D…攪埋D手續，約埋下次的理論課就即刻走了。就係咁樣已經浪費左我三個幾四個鐘無得溫書…之後專車返返元朗。搵埋慈恩，佢同魚魚食大排檔仲叫埋我去，我都廢事阻住佢地架喇，點知又叫埋我去！之後去到阿Sir 樓下個間度食，勁多人…等左好耐D 野先黎！

食完之後我叫的燒雞都仲未上桌…個店小二仲攪笑，答我話隻雞燒緊，但係佢入都未入去就話燒緊，根本就玩我！-_-"之後結帳減返隻燒雞…就上去阿Sir 度了…上到去阿Sir 話無心機，又話我地上去都係為左GTA，之後就無溫書同埋教書了…我又無打GTA，係度玩個英文串字遊戲，幾好玩，不過我太少英文生字喇，好難玩…但係最後我都贏慈恩一分！哈哈~好野！玩一局用左成個幾兩個鐘黎玩…-_-"十二點幾就走了…

被迫同慈恩276返…-_-"好彩剛剛有車，唔駛等！送到佢去天慈，佢魚魚就接佢，我就行返屋企了…返到屋企D 人都訓晒，我就沖埋涼無耐就訓了，但係都係唔眼訓…死喇，個心理時鐘調較唔到！