今日又係唔願起身，成七點半先起身…而家天氣凍左真係好煩，訓幾多都係唔咁！今日係第一日考Mock，中化的實用文同埋速讀，唉！考完都唔知點咁，實用文好似無咩格式出得出咁…而速讀我永遠係堂上做完之後就勁改正返，先可以有高分，都未認認真真計過分，好驚自己勁低分！考完就去食飯，食完就返學校等Oral…都無溫Oral。期間即係係度玩，好輕鬆，仲係課室捉棋，攪到考Mock 遲到，要成班人等！^^"

考先o既係英文…同Maggie 一組，開頭做得幾好，但係Discussion時就無咩講野，得個兩三句，真係得果兩三句，可以死得！唔係我唔想講，我根本都唔知要講咩，同埋佢地係度講緊咩，唉！死晒…之後等一陣就中化了，今次諗住可以多D 野講喇，但係呢第一Part 已經講錯題目了，Shit！之後個討論又無咩心機講加上插唔到嘴…又死埋！呵呵~ -_-

之後就落返地下傾下計咁，之後就同黃進溫到六七點度就走了，同佢等K73 足足等左三班車，比左兩班車白白咁走左…真係唔抵！行返屋企o既路好凍，返到屋企成個Warm 返晒！之後又沖涼食飯咁再係咁打返晒之前o既日記咁就一日了…臨訓前睇書真係好有效，我指係好有效快D 去訓。睇左幾眼中化就已經勁眼訓了…

今日無相影，分享返之前o既校園生活：