第二日的Mock Exam…今日考文化同埋聆聽。第一份卷就係文化了，尋晚諗住睇下本精讀喇，點知一睇就眼訓，攪到返學搭車時係咁不斷狂溫，但係睇極都係唔入腦。直至問卷我都係對住本文化，不過好多都唔記得，全部都係即時記憶黎。一睇份卷，溫左個D 完全做唔著。D 天人合一、關聯感應、禮樂一體、詩畫同源一D都唔岩答。頂~ 之後死死氣地揀左兩題比較易D o既黎答。個題風水我都唔知答D咩，所以無揀到。用左好多時間黎寫一的甲部，浪費左好多時間，之後乙都無做就做第三題了。第三題係咁多題內最容易寫的…不過我都冇咩溫過，只係寫得好少野！>_<最後唔夠時間完成…God！

之後聆聽完全唔駛寫字，係咁剔…但係咁樣先難答岩。我做完都無信心合格…次次做完聆聽我都係改返D 分先會有分，而家無得改，唔知會點呢？好快就考完晒今日要考的科目。Lunch後返返學校見到明賢，同佢捉左一局棋，贏左！^^之後阿Bee 同阿妖係我隔離捉，攪到明明睇Bio 都八八掛掛去睇棋。之後黃進仲破左我手機個紀錄添，激鬼氣！

其後溫書都係溫得好慢，無咩進展。之後就無聊走出去睇人黃進佢地踢波，唔知點解會玩埋一份…見到阿良成日都要守籠真係好好笑。次次佢以為可以守完，但係偏偏最後一球先失手…又要由頭做過，真係做死佢。哈哈~ 之後阿鋒都出埋黎，於是踢左場友誼賽。我同黃進加佳佳對阿鋒阿良同埋Jerry，贏五比零，呵呵！有四球係我入，勁開心。準時三點正返入自修區溫書，溫英文Oral…之後三點幾就行去阿Sir 度了，其間同阿婷Oral，但我講極都表達唔到，唉！之後上到去補Chem，場面有點緊張…感覺係有D野咁。到左夜晚，阿Sir 教我地英文作文，我地每個人作左篇文比佢睇，睇到佢嘔血…阿婷就一定合格、慈恩操下都可以合格、我操左就得七八成合格、阿良就臨時U梗，要放棄之前所學的一切就有機會合格、牛丸就無作到唔知…比佢咁講一講，成個Down晒。雖然知道自己英文唔得，但係真係好唔掂，作篇文我作左四五個字都係得個Intro，一個Point 都未有，寫得極慢！

之後睇阿Sir 作個篇，佢話用最易o既字黎作，但係我都有勁多唔識，心情灰到無得再灰，真頭係黑晒添！>_< 之後阿Sir 教左D 方法，我知點解，但係好難可以用到，因為自己得好少英文生字，根本就表達唔到自己想講o既意思。唉…都唔知點算？之後休息就打下機咁…不過係咁輸！Shit…最後十點幾十一點就走了…同阿良西鐵回家，剛剛走左班車，無聊等車時係度聽英文，係瞎人聽個D…-_-"真係無聊到無野做，剛剛又比話完英文，好想係咁聽英文改進，但係學英文唔係一朝一夕o既事。唉……之後返到屋企就食飯沖涼了！