尋晚溫左一個鐘頭都無就已經訓左…太累了！今朝六點幾七點醒左一醒，之後再繼續訓，一訓就訓到十點幾先起身，跟著攪一輪十點九先出門口，落左車等埋慈恩先行去補習，D 頭剪勁勁勁短…係咁比人笑！去到補習個個都笑，唉！真係短得離譜…好想D 頭髮快D長返呀…快D長快D長…補完之後就返屋企食飯，之後就同埋慈恩出去元朗上阿Sir 度了！慈恩係西鐵站諗住玩我，沖出去出站，但係我又咁岩過到…佢張八通卡當然未出喇，好傻仔！之後佢死都唔肯去出返站，最後我幫佢攪掂…真係無奈-_-" 又要玩我，點知玩返自己，仲要我去攪返掂！

慈恩無奈的樣子

之後上到阿Sir 度未有人，摸門釘…跟著就落左Games 搵阿Bee 同阿良，落到去睇人打機…凌進打得好勁，一滴血都唔扣。之後無耐就上阿Sir 度了，但係一入去就有屎喇！我地就落去M記溫算喇，不過好彩之後牛丸清理左，我地就可以係阿Sir 度溫書了！但係我上到去都唔係溫書，因為佢地四個剛剛好夠人，又係最早佢地考先…我就同慈恩係度打機、休息。我係咁打，過左幾關，連慈恩都有過關…真係勁！之後阿婷黎左無耐，我就同阿良同埋佢去食野…刀削麵！-_-" 今次食D雞扒真係唔錯！幾正…食完之後上返阿Sir 度，又摸多次門釘。

之後就落左千色打陣，去左三聯睇Bio同埋讀English，而家仲有好多未係讀過但係成日唔記得，My God！之後無耐去左幫牛丸買刀削麵，之後就上返阿Sir 度開始進入地獄式訓練喇…真係好激！我已經盡晒自己能力去係咁諗Point，但係都唔係好有力，同埋表達勁差，真係到時一個唔好彩撞到勁人o既話，我一定會係個組最屎果個，咁就合格無望喇！-_-"不過阿Sir 同埋阿婷都話我有進步，其實我唔知自己有咩進步，不過係講多左野…而家仲有勁多生字唔識，真係太多了！>_<

之後就同阿婷落去左買野飯，勁凍…不過有得休息唔錯，仲見到牛丸個ex…上返阿Sir 之後牛丸就走了，阿Sir 派我同埋阿Bee送牛丸返屋企，這份工作實在太有難度…阿Sir 講到好恐怖咁添！最後都成功送到牛丸上樓…之後又要捱冷咁返上去，個天氣真係好煩，時凍時熱…玩死人！上返去繼續進入Oral…今日真係成日都係咁操，阿Bee 聽日就考喇！所以我地要係咁操…最後十二點幾先走呀！

行去輕鐵站附近撞到黃進，但係回頭一望慈恩唔行黎搭輕鐵，佢係都要搭276-_-"無法！之後我就同黃進兩個返天水圍了，期間佢好多野講，由元朗入到坑尾再等左十分鐘車之後再去到天慈佢都未停過，真係口水多過茶！之後我返到屋企都已經點幾兩點，攪完一輪諗住訓，點知仲好精神，可能喝左奶茶，之後咪係張床度睇英文報紙係度學人地D Point，不過好多唔識解，愈睇就愈眼訓了，之後三點鐘就訓左囉！^^"